Bleu d'Auvergne

Ur pennad Auvergne zo ivez.

Un tamm fourmaj Bleu d'Auvergne.

Bleu d'Auvergne (Blau d'Auvèrnhe en okitaneg), pe Keuz glas Arvern, zo ur fourmaj glas hag a vez aozet e Bro-Arvern hag en un toulladig departamantoù all tro-war-dro. Graet e vez gant laezh buoc'h. Anavezet eo abaoe kreiz an XIX^vet kantved en doare ma vez graet bremañ (met da goshoc'h e sav moarvat), ha gwarezet gant un AOK abaoe 1972.

Tachennad ar c'heuz

Aozet e vez Bleu d'Auvergne:

• en departamantoù deuet war-lerc'h Bro-Arvern istorel, da lavaret eo:
  • Cantal (departamant) (en departamant en e bezh),
  • Puy-de-Dôme (departamant) (en departamant en e bezh),
  • Haute-Loire (ul lodennig: Arondisamant Brioude)
• hag ivez en lodennoù 'zo eus an departamantoù all-mañ:
  • Aveyron (2 ganton)
  • Corrèze (12 kanton)
  • Lot (12 kanton, klok pe diglok)
  • Lozère (9 c'hanton)

Pennadoù kar

• Bleu des causses
• Bleu de gex
• Roquefort