Bernadette Soubirous

Eus Wikipedia
Mont da : merdeiñ, klask
William Bouguereau in his studio.jpg Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn.
Bernadette Soubirous.png


Bernadette Soubirous, Marie-Bernarde Soubiroux, hec'h anv ofisiel (Bernadeta Sobirós en okitaneg, he yezh kentañ), Santez Bartrez Soubirou evit Iliz Breizh, ganet d'ar 7 Genver 1844 e Lourd, marvet d'ar 16 Ebrel 1879 e Nevers, a zo bet ur santez katolik, hag he deus tennet brud eus emziskouezioù ar Werc'hez Vari e lavare he doa gwelet en ur c'hev e Lourd. D'an 18 a viz C'hwevrer emañ he gouel.

Bugaleaj[kemmañ]

Milinerien e oa he zud, François Soubirous (1807-1871) ha Louise Castérot (1825-1866) e kêriadenn Boly e-lec'h m'eo gant Bernadette. 9 krouadur a zo bet ganet en tiegezh, met 5 anezho n'o deus bevet pelloc'h eget oad ar babigoù. E 1854 e ya ar vilin da freuz-stal ha an naon a zo lod Bernadette hag he familh. Ne c'helle ket deskiñ lenn ha klañv e chome alies. Ur plac'h koant e oa koulskoude hervez an dud. Ur spered relijiel kreñv a oa ganti ha p'he deus ket desket mat ar c'hatekiz. Setu perak e lavare : [...] dibabet on bet gant ar Werc'hez pa 'ouien ket tra.
Kaset eo bet da chom e ti he moereb ha maeronez, Bernarde Castérot (1823-1907) da servij evel matez en he ostaliri.
Tiegezh Bernadette a ya da lojañ en ur toull-bac'h kozh ha ar c'hwec'h anezho a zo rediet chom en ur c'hambr bihan (ur c'hellig kozh), 3,77 x 4,40 m e vent. E 1857, tamallet eo bet François Soubirous gant laeronsi daou sac'h flour. Ha eñ, inosant war a greder hiziv, kaset d'an toull. Kouezh a ra e diegezh en dienez bras.

Emzizkouezioù[kemmañ]

Bernadette Soubirous he deus lavaret e wele pa yae da glas keuneud a-hed ar stêr Gâve e-pad darnvuiañ ar bloavezh 1858. Eno e vije bet gwelet ganti un "itron wisket e gwenn" 18 gwech etre an 11 a viz C'hwevrer hag ar 16 a viz Gouere. D'an navet gwech, diwar komzoù ar Werc'hez Mari e tiskoach ar plac'h un eien dour dindan kev Massabielle, e maezioù Lourd.

Da vezañ kendalc'het