Arturo Reque Meruvia

Arturo Reque Meruvia

den

Reizh pe jener	paotr
Bro ar geodedouriezh	Bolivia
Anv-bihan	Arturo
Anv-familh	Reque
Deiziad ganedigezh	11 C'hwe 1906
Lec'h ganedigezh	Cochabamba
Deiziad ar marv	15 C'hwe 1969
Lec'h ar marv	Madrid
Yezhoù komzet pe skrivet	spagnoleg
Micher	livour
Bet war ar studi e	Real Academia de Bellas Artes de San Fernando
Statud e wirioù aozer	Oberennoù dezhe gwirioù aozer

Arturo Reque Meruvia, ganet e Cochabamba (Bolivia) d'an 11 a viz C'hwevrer 1906 hag aet da Anaon e Madrid (Spagn) d'ar 17 a viz C'hwevrer 1969, a oa ul livour bolivian. Klasket en doa implijout a bep seurt teknikoù eus an engravañ d'an eoullivadur, eus an dourlivadur betek ar murlivadur. Eñ eo patrom al livadurioù gwirvroat bolivian (pintura indigenista boliviana) e-kreiz an XX^vet kantved.

Buhez

Eus 1939 betek 1946 e veajas evit diskouez e labour dre veur a gêr-benn e Suamerika ha sevel a reas er memes prantad livadurioù awenet gant an istor evel Los Trece la Fama, Descubrimiento del río Choqueyapu, La tea de Murillo ha La heroínas de la Coronilla o Batalla de Aroma.

E 1946 e voe goulennet digantañ gant ar gouarnamant spagnol ma vije savet murlivadurioù en La Valle de los Caídos. Ezhomm en devoe ur bloavezh o labourat war Díaz Zorita e Madrid, un bloavezh c'hoazh evit an damdresadenn. A-benn ar fin e voe nac'het e labour peogwir e oa eñ eus Bolivia. Ouzhpenn-se, Franco a gave dezhañ e oa re wirion an doare taolenniñ hag e plantje reuz en ur vro disrannet. D'ar mare-se eo en doa livet ar murlivadur brudet Alegoría de Franco y la Cruzada. Franco a gave gwelloc'h kaout livadurioù katolikoc'h o doare devosion.

Evit e labourioù arzel niverus katolik e voe graet Caballero de la Orden de Isabel la Católica hag enoret gant Cruz de la Orden de Cisneros ha gant Cruz de la Orden de Alfonso X el Sabio. E 1952 e voe enoret gant medalenn arc'hant ar Bienal Hispanoamericana e Madrid. Goude-se e voe krog da ziskouez e oberennoù dre Europa hag Amerika a-bezh.

Liammoù diavaez

• Lec'hienn ofisiel Arturo Reque Meruvia
• (es) Displegadenn leun afer murlivadur ar Valle de los caidos (Cruzados del siglo XX)