Anjev

Kartenn eus Anjev (e melen, bevenn departamant Maine-et-Loire, hag e ruz, bevenn proviñs Anjev, brasoc'hik).

Anjev a zo unan eus ar broioù kozh a eas d'ober Bro-C'hall. Anje (Angers e galleg) e oa kêrbenn Anjev.

Istor

Ur vro dizalc'h eo bet e-pad mare ar gonted, ha brezel zo bet a-wechoù etre Breizh ha hi.

• Gwelout ar pennadoù Foulk III, Konan Iañ, Emgann Konkerel.

N'eus ket anv eus Bro-Anjev ken, daoust da Guzul-departamant Maen-ha-Liger (Maine-et-Loire) ober implij eus an anv Anjev (Anjou) en un doare damofisiel ha beuzet eo er rannvro vras a vez graet Broioù al Liger anezhi.

Koulskoude eo brudet hiziv c'hoazh gwin Anjev. En Anjev e komzer ur rannyezh c'hallek, ar patois pe parlant Anjev.

Eus ar proviñs d'an departamantoù

Liammoù diabarzh

• Kastell Montsoreau
• Foulk
• Ermengarde Anjev
• Konted ha duged Anjev.

Liammoù diavaez

• Anjou - Lec'hienn "Ar Bibl en Anjev hag e Breizh"
• France Balade