An dantelezherez

Eus Wikipedia
Sauter à la navigation Sauter à la recherche
An dantelezherez
Jan Vermeer van Delft 016.jpg
Johannes Vermeer, e-tro 1669
eoullivadur war lien
24,5 × 21 cm
Mirdi al Louvre
Pariz
Frañs

An dantelezherez (nederlandeg : De kantwerkster) a zo un eoullivadur graet gant al livour izelvroat Johannes Vermeer e-tro 1669. War ziskouez emañ e Mirdi al Louvre e Pariz. En daolenn e weler ur vaouez yaouank o wriat. Livadur bihanañ Vermeer eo[1][2]:24.5 cm x 21 cm eo ment an daolenn.

An daolenn[kemmañ | kemmañ ar vammenn]

A-dreñv ar plac'h ez eus ur voger wenn, marteze peogwir e felle d'al livour sachañ evezh an arvesterien war an dudenn. Soñjal a reer e prientas Vermeer an daolenn gant kalz aked, evel ma reas pa livas Ar steredoniour (1668) hag An douaroniour (1669), rak resis-tre eo an doare ma tiskouez arz ar gwriat[3] Kazi sur ec'h implijas Vermeer ur c'hamera obscura a-benn sevel e daolenn, ha krouiñ un efed dispis er foñs.[1] Evel-se e tegas donder d'e oberenn, ha ral e oa an doare-se da labourat da vare an arz barok en Izelvroioù.[4]

En daolenn en deus Vermeer livet lodennoù zo en un doare difetis a-walc'h : dremm ha korf ar plac'h, hag ivez an danvez a labour warnañ. Daouarn ar plac'h, rodelloù he blev, hag ar groaz e T stummet gant he daoulagad hag he fri a zo livet ivez en un doare divoutin d'ar mare ma voent livet gant Vermeer. Divoutin ivez an doare ma livas an neud ruz ha gwenn a weler, hag a seblant dourennek. [2]

An dantelezherez (1662) gant Caspar Netscher

Alies e vez keñveriet livadur Vermeer gant hini al livour izelvroat Caspar Netscher, bet livet e 1662. Disheñvel int an eil diouzh egile koulskoude : disheñvel eo al livioù implijet ha n'eus meneg ebet eus ar reizhelezh e taolenn Vermeer, padal ez eus anezhañ e hini Netscher (ar botoù war al leur).[1] [5]

Notennoù[kemmañ | kemmañ ar vammenn]

  1. 1,0 1,1 ha1,2 Bonafoux, 66
  2. 2,0 ha2,1 Huerta (2005), 38
  3. Wheelock, 114
  4. Huerta (2003), 46
  5. Nash, John. Vermeer. Scala, 1991. ISBN 1-870248-63-5. Da lenn e "[1]".


Daveoù[kemmañ | kemmañ ar vammenn]

  • Bonafoux, Pascal. Vermeer. New York: Konecky & Konecky, 1992. ISBN 1-5682-2308-4
  • Gowing, Lawrence. Vermeer. University of California Press, 1950
  • Huerta, Robert D. Giants of Delft. Bucknell University Press, 2003. ISBN 0-8387-5538-0
  • Huerta, Robert D. Vermeer and Plato: Painting the Ideal. Bucknell University Press, 2005. ISBN 0-8387-5606-9
  • Wheelock, Arthur K. Vermeer: The Complete Works. New York: Harry N. Abrams, 1997. ISBN 0-8109-2751-9