An Treuzstummadur

Eus Wikipedia
Mont da : merdeiñ, klask
An oberour, Kafka, e 1906.

An Treuzstummadur (titl orin alamanek : Die Verwandlung) zo un danevell skrivet gant ar skrivagner tchek Franz Kafka, bet embannet evit ar wech kentañ e 1915. Asambles gant Ar Prosez ez eo unan eus oberennoù brudetañ Kafka.
Enni e kont istor ur beajour-kenwerzh anvet Gregor Samsa, a zihun ur mintin hag en em gav treuzstummet en ur «c'hwil-du ramzel». Gant ar vurutellerien e vez renket er vezoudelouriezh. E 2009 e voe embannet troidigezh vrezhonek Yann Talbot gant Al Lanv.

Puilh eo an displegadennoù a gaver diwar-benn An Treuzstummadur : e levr Stanley Corngold (The Commentator's Despair)[1] e kaver ouzhpenn 130 anezho, evel an doare ma tegemerer tud disheñvel er gevredigezh, met ivez an digenvez ha dic'hoanag an dud lakaet a gostez.
Estreget korf Gregor Samsa a gemm en danevell. N'eus displegadenn ebet d'e dreuzstummadur. Er c'hontrol e weler penaos e kemm emzalc'h e familh a-feur ma ya an istor war-raok ha ma ya e stad war fallaat. Er penn-kentañ ez eo gwan e dad ha nerzhus e teu da vezañ. E c'hoar, a zo karantezus er penn-kentañ, a gemer tamm-ha-tamm an traoù e-karg hag a gemer perzh en argas he breur.

Lodennoù an danevell[kemmañ]

Golo an embannadur orin
  • I : Gregor o tihuniñ hag o tizoloiñ e neuz nevez
  • II : evezhiadennoù diwar-benn korf Gregor
  • III : emzalc'h e familh
  • IV : kemmoù en emzalc'h e c'hoar (dre redi)
  • V : kemmoù en emzalc'h e vamm (a fell dezhi gwelout he bugel)
  • VI : kemmoù e kambr Gregor
  • VII : c'hoant e familh : marv Gregor
  • VIII : marv Gregor
  • IX : e familh a grog en-dro gant ar vuhez pemdez

Embann[kemmañ]

Embannet e voe evit ar wech kentañ e 1915 e Leipzig e niverenn miz Here ar gelaouenn Weiße Blätter, renet gant René Schickele. E miz Kerzu 1915 e voe embannet e stumm ul levr gant Kurt Wolff Verlag, Leipzig (war ar golo orin e lenner «1916»), en dastumad Der jüngste Tag.

E brezhoneg[kemmañ]

Embannet eo bet e 2009 e brezhoneg gant al Lanv, troet eo bet an destenn diwar an alamaneg gant Yann Talbot.

E media all[kemmañ]

Meur a film a zo bet, en o zouez:

Bez ez eus ur strollad sonerezh post-rock amerikan anvet Gregor Samsa.

Notennoù[kemmañ]

  1. Stanley Corngold, The Commentators' Despair; The Interpretation of Kafka's "Metamorphosis", Associated Faculty Pr Inc, 1973, ISBN 978-0-8046-9051-5 (en)

Liammoù diavaez[kemmañ]

Embannadurioù enlinenn

Displegadennoù