Allegoria dell'Inclinazione
| Allegoria dell'Inclinazione | |
| |
| Aozerien | Artemisia Gentileschi Il Volterrano (dilhad, 1684) |
| Bloavezh | 1615-1616 |
| Doare | Eoullivadur war lien |
| Ment | 152 x 61 cm |
| Lec'hiadur | Casa Buonarroti Firenze  Italia
|
Allegoria dell'Inclinazione ("Alegorienn an Doug") zo un eoullivadur graet war lien gant al livourez italian Artemisia Gentileschi (1593-1653) war-dro 1615-16 hag a zo dalc'het e Casa Buonarotti, e Firenze en Italia.
Graet e voe evit ar skrivagner Michelangelo Buonarroti il Giovane (1568-1646), un niz d'an arzour brudet Michelangelo Buonarroti.
An daolenn
[kemmañ | kemmañ ar vammenn]Warni e weler ur plac'h yaouank en he noazh, blev melen hir dezhi, en he c'hoazez e-touez ar c'houmoul, skeudenn an doug d'an arzoù. Ur steredennig zo o lugerniñ a-us dezhi.
Krediñ a reer ez eo un emboltred diwar zorn an arzourez, a oa 23 bloaz da neuze. Gant Leonardo di Buonarroto, niz d'ar skrivagner, e oa bet urzhiet an oberenn.
Siwazh, re c'hadal e oa an daolenn ha re strafuilhus da dud zo ; e 1684 neuze, da lavarout eo 31 bloaz goude marv an aozerez, e c'houlennas perc'henn an daolenn digant al livour Baldassarre Franceschini (Volterrano) gwiskañ ar veleganez dielevez.
Liammoù diavaez
[kemmañ | kemmañ ar vammenn]- (it) Casa Buonarroti