Alessandro Farnese (1635-1689)
Ur pennad Alessandro Farnese zo ivez.Alessandro Farnese (1635-1689) a oa ur brezelour italian, eus an Tiegezh Farnese, e servij roue Spagn.
Mab e oa da Odoardo Iañ Farnese, dug Parma ha Piacenza, ha d'e bried Margherita de' Medici. Gant e vreur henañ Ranuccio II Farnese, evel kustum, ez eas an dugelezh goude marv o zad e 1646. Jeneral en arme war varc'h Republik Venezia e voe e-pad daou vloaz, etre 1656 ha 1658, a-raok mont gant Spagn adal 1664.
E 1665, en emgann Montes Claros, da vare aloubadeg Portugal, e oa dindan markiz Caracena, e penn ur c'horf-arme war varc'h.
Anvet e voe da vesroue e Navarra, ha goude e Catalogna. Ha goude brezel Holland (1672–1678), da c'houarnour Izelvroioù ar C'hreisteiz, etre 1678 ha 1682.
E 1687 e voe kuzulier-stad e Spagn. Mervel a reas e Madrid e deroù 1689.
Dimeziñ ha bugale
[kemmañ | kemmañ ar vammenn]Gant e bried-kleiz Maria de Lao y Carillo, en doe pevar bastard:
- Alessandro Odoardo (Badajoz, 1663-Cacéres, 1666), marvet da dri bloaz;
- Alessandro Maria (Badajoz, 1664-Parma, 1726), koronal en arme spagnol, marvet er vac'h;
- Margherita (Badajoz, 1665-Parma, 1718), leanez e leandi San Paolo e Parma;
- Isabella (Badajoz, 1666-Parma, 1741), leanez e leandi San Paolo e Parma.