Al Labourioù hag an Deizioù
Al Labourioù hag an Deizioù (Ἔργα καὶ Ἡμέραι / Érga kaì Hêmérai e gregach) zo ur varzhoneg gant Hesiodos skrivet en heksametroù daktilek e dibenn an VIIIvet kantved a-raok J.-K.
Enni e kont an oberour
- istor Prometeus ha Pandora,
- pemp mojenn ar gouennoù (aour, arc'hant, arem, gouenn an harozed, ha houarn),
- mojenn ar falc'hun hag an eostig (ar falc'hun o vezañ ar roue, an eostig o vezañ ar barzh)
- gweledigezh div geoded, hini ar justis, anvet Δίκη / Díkê, hag an hini gontrol, hini Ὕϐρις / Hýbris, an dreistmuzul.
Taolennet eo al labour-douar e douaroù sec'h e vro c'henidik, ha reiñ a ra un deizadur resis eus bloavezh ur gounideg en ur reiñ kuzulioù diwar-bouez ar vicher: binvioù, ober war-dro al loened, hadañ ha mediñ, hag all.
Ur rann diwar-benn ar goañv kriz ha kalet e menezioù Hellaz a zo eus ar c'hentañ. E dibenn ar skrid e tiougan e ra berzh an den a justis, tra ma koll pep tra an den a zreistmuzul. Diouganer ar ouenn houarn eo Hesiodos, an hini a deu war-lerc'h gouenn an Harozed.
Dre deir gwech e kaver ur munudig diwar-benn buhez an oberour.