Émilie Quinquis
Émilie Quinquis zo un ganerez-sonaozerez sonerezh elektronek breizhat ganet e Brest. Goude bezañ savet daou albom dindan an anv-arzourez "Tiny Feet" adalek 2011, kemeret he deus hec'h anv-familh Quinquis evel anv-arzourez evit he zrede albom Seim e 2022. En Enez Eusa emañ o chom gant he gwaz, ar pianoour ha sonaozour Yann Tiersen. Aet e oa ar priz "Brezhoneger ar bloaz" ganto e 2017.
Gant he gwaz he deus prenet toull-noz an "Eskal" en enez Eusa evit ober ur studio hag ur sal sonerezh. E 2022 he doa savet un albom nevez gant al label Mute eus Londrez, gant ar produer hollvrudet Gareth Jones. "Adkrog" eo anv un ton anezhañ, hag un adkrog eo evit gwir, ul lusk hag un tu nevez eviti, un doare da adkregiñ gant he resped arzourez ha gant he buhez ivez. Ennañ e kaver sonerezh post rock, electronica, ambient hag indie rock, hag an holl donioù zo e brezhoneg gant un nebeud re e kembraeg ha faeroeg.
Albomoù
[kemmañ | kemmañ ar vammenn]- albom embroduet
- "As an end to death", produet gant "Les Disques Nornal"
- "Seim", produet gant Mute Records e 2022