Urszula Mayerin

Poltred Urszula Mayerin, a greder.

Urszula Mayerin, ganet war-dro 1570 e Bavaria, marvet e 1635 e Varsovia, e palez ar roue, a oa un Alamanez e lez roue Pologn, serc'h d'ar roue Sigismund III Vasa, hag ur bolitikourez a bouez.

Hec'h anv

He gwir anv e oa Gienger (Gienger von Grünbüchl) met pa sine e skrive Urszula Meyerin, ha meierin a dalvez kement ha kambrelanez .

He buhez

Noblañsed paour eus Bavaria e oa he zud, eus kichen München. War-dro 1580 e teuas da chom da gêr Graz, en Aostria. Un toullad bloavezhioù goude e voe dibabet gant Maria Anna Bavaria (1551–1608), arc'hdugez Aostria, da vezañ serc'h he mab-kaer Sigismund III Vasa. E 1592 e oa e lez Pologn gant ar rouanez Anna Aostria evel kambrelanez, mayerin en alamaneg. Deskiñ a reas poloneg.

Kambrelanez

Ar priñs yaouank Władysław wd 1605.

Konstanza Aostria, pried ar roue war-lerc'h he c'hoar.

Konstanza Aostria hag he mamm Marie-Anne de Bavière o tegouezhout e kêr Cracovie wd 1605.

Deol e oa Urzsula, ha selaouet e veze gant ar roue hag ar rouanez. Poloneg a zeskas, met daoust da se ne veze ket karet el lez gant ar re a gave e oa re vras he levezon. Lakaat a reas envel he mignoned d'ar c'hargoù uhelañ . Lesanvet e veze serc'h ar roue , ministrez en brozh , pe bigotez jezuit. Sekretour ar Roue Jan Szczęsny Herburt (en), a lavare kourtizanez hudur anezhi.

Gouarnerez bugale ar rouaned e oa ha dindani e oa klañvdiourezed ar vugale ha ne garent ket anezhi, dreist-holl an itron Forbes, ur brotestantez skosat a rae war-dro ar priñs yaouank Władysław

Pa varvas ar rouanez Anna en 1598 ec'h eas kuit itronezed alaman al lez, Urszula Mayerin avat a chomas e Pologn. War a seblant e oa tomm ouzh ar roue hag ouzh ar priñs Władysław. He lizhiri d'ar priñs a vez komprenet a-wechoù evel lizhiri karantez.

Pa addimezas Sigismund 1605 da g-Konstanza Aostria, c'hoar d'e gentañ pried ha 15 yaouankoc'h egeti, eo Urszula a reas war-dro ar rouanez nevez hag he frealzas. Beajiñ a rae e karroñs ar rouanez, debriñ ouzh he zaol, merañ teñzor al lez, ha kemer perzh e breudoù ar roue en e gichen. Mayerin a rae brav da vugale ar roue hag a gomze poloneg oute, pa ne gomze o mamm nemet alamaneg. Ne zimezas ket ha nac'h a reas betek ouzh he mignon bras an dug Albrycht Stanisław Radziwiłł (en)).

Ne oa ket dispignerez,ha peurvuiañ e veze gwisket en du, en ur sae spagnol. Kenskrivañ a rae gant an Impalaer Ferdinand II an Impalaeriezh Santel ha gant ar pab.

A-hed bloavezh diwezhañ e ren e veze klañv Sigismond alies hag Urszula, deuet da vout e Pologn evel dug Lerme e Spagn, a rae war-dro an aferioù evitañ. Sinañ a rae dihelloù ofisiel ar stad e-lec'h ar roue ha degemer kannaded ar broioù estren .

Goude he marv

Mervel a reas en 1635, e palez Varsovia, ha beziet e voe en Iliz ar Jezuited e-pad un obidoù war an ton bras, par da re ur rouanez.

Freuzet e voe he bez gant soudarded Sveden hag Alamagn er bloavezhioù 1650. Distrujet e voe he foltredoù, darn graet gant arzourien evel Pieter Soutman pe Christian Melich, e-pad ma veze skrap-diskrap e kastell Varsovia da vare ar Potop.

Pennadoù kar

• Marina Mniszech
• Elżbieta Sieniawska
• Izabela Czartoryska