Sea Mills

Mogerioù roman

Sea Mills zo ur c'harter eus kêr Bristol, e Bro-Saoz. Emañ er gwalarn da greiz-kêr, tost da aber ar stêr Avon, el lec'h ma kember ar stêrioù Trym hag Avon.

Aspadennoù zo eus un annezadenn roman anvet Abona pe Portus Abonae. Meneg zo anezhi e :

• Itinerarium Antonini 48₆₁ (Iter XIV) : Abone
• Dizanv Ravenna 106₂₂ : Punctuobice

Hervez Rivet & Smith, Punctuobice a vije ur skrid fazius, a vije da lenn, kentoc'h : Portus Abone, Portum Abonae

Diwar an anv keltiek Abona eo deuet anv ar stêr Avon. Diskouez a ra an anv Portus Abonae e oa ur porzh eus al lec'h-se. War a seblant e voe dilezet er IV^e kantved.