Sarah Jacob
| Reizh pe jener | plac'h  |
|---|---|
| Bro ar geodedouriezh | Kembre |
| Anv-bihan | Sarah |
| Anv-familh | Jacob |
| Deiziad ganedigezh | 12 Mae 1857 |
| Lec'h ganedigezh | Llanfihangel-ar-Arth |
| Deiziad ar marv | 17 Kzu 1869 |
| Micher | muse |
| Staget ouzh | Sarah arall |
Sarah Jacob (12 Mae 1857 – 17 Du 1869) a oa ur plac'h yaouank eus Sir Gaerfyrddin, e Kembre, hag a voe brudet e Breizh-Veur a-bezh evel the Welsh Fasting Girl ("ar Gembreadez o yunañ"). Lavaret a rae he zud, Evan ha Hannah Jacob, he doa bevet e-pad daou vloaz hep debriñ nag evañ, ar pezh a sachas evezh ar c'hazetennoù hag ar vedisined. Soñjal a reer e c'houzañve diwar anorexia nervosa, ur c'hleñved a vire outi a zebriñ. Mervel a reas gant ar c'hleñved-se.
He buhez[kemmañ | kemmañ ar vammenn]
Ganet e voe Sarah war ar maez e Letherneuadd Uchaf e-kichen Pencader, e Sir Gaerfyrddin, e 1857. Eno e tremenas he buhez verr. Adalek he dek vloaz e konter e tremene hep boued e-pad prantadoù hirik. He zud a reseve ar re a gare dont da welet o merc'h, ha lavaret a raent n'he doa ket debret e-pad meur a viz. Ha goulenn a raent digant ar weladennerien reiñ arc'hant eviti. E dibenn he buhez e chome war he gwele gant ar gwan ma oa, gwisket evel ur plac'h nevez. Mervel a reas e 1869, en he daouzek vloaz. Ensellet e voe he c'horf, goude he marv, ha gwelet e voe he doa debret un tammig boued nebeud amzer a-raok.
Kaset e voe he zud dirak al lez-varn goude-se, tamallet e voe dezho bezañ lazhet o merc'h ha kondaonet e voent d'an toull-bac'h.