Polynikes

Eus Wikipedia
Mont da : merdeiñ, klask
Eteokles ha Polynikes, gant Giovanni Battista Tiepolo.

Polynikes pe Polinikes (e henc'hresianeg: Πολυνικης / Polyneíkês "kalz trec'hoù") a oa mab da Oidipous ha da Iokastê e vamm. Pried e oa da Argeia, merc'h da Adrast, ha bugale o doe: Thersandros, Adrastos ha Timeas.

E dad Oedipus en devoa lazhet e dad, a oa dimezet d'e vamm, ha bet bugale: Polinikes, hag Eteokles. Pa voe anavezet kement-se e voe kaset kuit Oidipous eu kêr Tebai, ha harluet da Golonos. E zaou vab avat a chomas d'ober war-dro o zamm rouantelezh.

Divizet e voe gant an daou vreur ren e Tebai pep hini d'e dro, bep eil bloaz. Met pa deuas ar c'houlz e nac'has Eteokles lezel e lec'h gant Polinikes, ha setu Polinikes da Golonos da c'houlenn bennozh e dad. E-lec'h bennozh avat e klevas e vallozh.

Hag abalamour d'ar mallozh-se e varvas an daou vreur en un emgann evit ar galloud.

Pennadoù kar[kemmañ]


Commons
Muioc'h a skeudennoù diwar-benn

a vo kavet e Kerandafar.