Levr Gwenn Rhydderch
Levr Gwenn Rhydderch ( Llyfr Gwyn Rhydderch e kembraeg) zo anv un dornskrid krenngembraek eus ar re bouezusañ, skrivet war-dro 1350, hag unan eus mammennoù ar Mabinogi.
Diwar rannyezh ar skrid e soñjer eo bet skrivet moarvat en abati Strata Florida (Ystrad Fflur) e Kembre, gant ur manac'h eus rouantelezh Deheubarth. Gouzout a reer e oa graet evit Rhydderch ab Ieuan Llwyd, eus Glyn Aeron, e Ceredigion, en deus roet e anv d'an dornskrid.
Kavout a reer ennañ meur a gontadenn, ar Mabinogion zoken (war-bouez Hunvre Rhonabwy ), ha skridoù all.
E dibenn ar Grennamzer e voe rannet an dornskrid e div levrenn, ar Peniarth 4 ha Peniarth 5, a zo miret abaoe deroù an XXvet kantved e Levraoueg Vroadel Kembre, en Aberystwyth.
Gant Levr Ruz Hergest, Levr Taliesin, ha Levr Du Caerfyrddin, eo unan eus teñzorioù al lennegezh kembraek er Grennamzer.
[kemmañ] Lennadurezh
- J. Gwenogvryn Evans (gol.), The White Book Mabinogion (Pwllheli, 1907). Testun diplomatig.
- R.M. Jones (rhagymadrodd): J. Gwenogvryn Evans (gol.), Llyfr Gwyn Rhydderch: Y Chwedlau a'r Rhamantau (Caerdydd, 1973).
- Parry, Thomas (1955), A history of Welsh literature.
- 'White Book of Rhydderch'. En Meic Stephens (Ed.) (1998), The new companion to the literature of Wales. Cardiff : University of Wales Press. ISBN 0-7083-1383-3.
