La batea
La batea (Ar bailh e brezhoneg) zo ur ganaouenn spagnolek savet, ton ha son, gant ar sonaozer kuban Tony Taño.
Un doare all, gant komzoù disheñvel, zo bet brudet gant ar strollad chileat Quilapayún.
Doare Tony Taño[kemmañ | kemmañ ar vammenn]
Ur c'han da zañsal n'eo ken, digarez d'an dud da hejañ o c'horf.
- Mira la batea, como se menea (Sell er bailh, evel ma fiñv)
- como se menea el agua en la batea (evel ma fiñv an dour er bailh)
Kanet e vez c'hoazh gant Pupy y los Que Son Son, hag Omara Portuondo.
Doare Quilapayun[kemmañ | kemmañ ar vammenn]
Adkemeret eo bet an dañs brudet met ur ster all zo bet roet d'ar bailh ha d'an dour : binvioù jahinañ e oant en amzer diktatouriezh Augusto Pinochet... ha n'eo ket da walc'hiñ an dud jahinet.
Lakaet eo bet ar ganaouenn war ar bladenn vinil Adelante ! a oa bet enrollet gant Quilapayún ha deuet er-maez e 1975 e Bro-C'hall. Teirvet kanaouenn tu B ar bladenn an hini eo, just war-lerc'h Sonatina hag a-raok Otoño.
La batea a oa bet savet meur a zoare anezhi a-benn kas d'he selaouerien ur gemennadenn disheñvel war ar pezh a c'hoarveze e Chile ; n'eus nemet tri anezhe hag a oa bet enrollet :
- hini 1971 a gaver er bladenn Vivir como él,
- hini 1975,
- hini 1992, savet gant Hernán Gómez ha Rodolfo Parada hag a gaver e-barzh Latitudes.
Gerioù doare 1975 ar ganaouenn a zo kaoz enne eus "los cuatro pinganillas[1]" Merino, Mendoza, Augusto ha Gustavo, da lâret eo :
- Santiago José Toribio Merino Castro (1915-1996), amiral ha penngomandant morlu Chile ha kenaozer taol-stad an 11 a viz Gwengolo 1973 ouzh Salvador Allende,
- Augusto Pinochet (1915-2006), penngomandant lu Chile ha pennañ aozer an taol-stad,
- Gustavo Leigh Guzmán (1920-1999), pennjeneral aerlu Chile ha kenaozer an taol-stad,
- César Leonidas Mendoza Durán (1918-1996), penngomandant Carabineros de Chile (Archerien Chile) ha kenaozer an taol-stad ivez.
Pennadoù kar[kemmañ | kemmañ ar vammenn]
- https://es.wikipedia.org/wiki/La_batea_/_Soy_del_pueblo
- https://es.wikipedia.org/wiki/La_batea_/_Tío_Caimán
Liammoù diavaez[kemmañ | kemmañ ar vammenn]
- Doare Tony Taño
- kanet gant Tony Taño : [1]
- gant Omara Portuondo : https://www.youtube.com/watch?v=YbSqvlfLzvg
- Doare Quilapayun:
- Lenn ar gerioù ha selaou ur bommig eus La batea war gQuilapayún - Sitio oficial.
- Quilapayún o kanañ La Batea [2]
Notennoù ha daveennoù[kemmañ | kemmañ ar vammenn]
- ↑ N'eo ket gwall aes treiñ e brezhoneg ar ger "pinganilla" a vez graet gantañ e Chile : tud dister marteze ? Ar ger "pinganilla" war al lec'hienn Diccionario Etimológico.