James Clerk Maxwell

Eus Wikipedia
Mont da : merdeiñ, klask
James Clerk Maxwell.png

James Clerk Maxwell (13 a viz Even 1831 - 5 a viz Du 1879 e Cambridge) a oa ur fizikour skosat. Diazezañ a reas teorienn ar skinoù tredanek-magnetek, anvet kevatalennoù Maxwell. Ur perzh bras en deus bet ivez e diorroadur an termodinamik.

Buhezskrid[kemmañ]

James Clerk Maxwell a zo ganet d'an 13 a viz Even 1831 e Edimbourg. Tad Maxwell a oa un den pinvidik ezel eus familh Clerk a b/Penuik (Midlothian) a oa perc'henn war baroniezh Clerk. Anvet e voe John Clerk pa ganas, en em lezenvel a reas e-unann Maxwell goude en defe heritet eus un ti war ar-maez e Middlebie. Ur bugel speredek-kenañ e oa ha kurius. Ar skol na blij ket dezhañ peogwir e veze graet goap outañ abalamour d'e bouez-mouezh a Galloway ha d'e zilhad a seblant bezañ gouez d'ar vugale all. Da trizek vloaz e c'hounezas Maxwell medalenn matematikoù e skol hag ar c'hentañ priz Saozneg hag e barzhoneg. Da pevarzek vloaz Maxwell a skriv ur pennad diwar e kentañ labour skiantel hag a gomze eus ar binvijoù mekanikel e vez implijet evit tresañ ur grommenn vatematikel. Kuitaat a reas Maxwell an akademiezh e 1847 pa oa 16 vloaz da heuliañ kentelioù e skol-Veur Edimbourg. Deuet da vezañ matematikour, e kuitaas e skol-Veur evit antreal e hini Cambridge tri bloaz war-lerc'h.

Gwelet ivez[kemmañ]