HTML

Eus Wikipedia
Mont da : merdeiñ, klask

HTML (Hyper Text Markup Language) a zo un areg implijet dreist-holl evit sevel pajennoù evit ar genrouedad. Ul "langaj-merkañ testennoù" eo.


An Tagoù HTML[kemmañ]

Ur bajenn HTML a vesk an destenn da vout diskouezet war ar skramm gant "tagoù", da lâret eo kemennoù evit divizout penaos e rankfe ar merdeer diskouez (fichañ...) ar skrid. Peurvuiañ e teu an tagoù daou-ha-daou: un tag-deraouiñ, hag un tag-echuiñ. An tag-deraouiñ a gemenn, hag a verk penn-kentañ ar pennad-skrid (an "elfenn"). Hag an tag-echuiñ a verk dibenn an elfenn.

Tagoù pennañ[kemmañ]

<html> : evit lâret e teraou un teul HTML, neuze e ranko ar merdeer tretañ kement a zeuio war e lerc'h e-giz kod HTML.

<head> : evit merkañ talbenn un teul HTML. Bez' emañ e-barzh ennañ ar stlennoù pennañ diwar-benn an teul, hini ebet anezho ne vo diskouezet war-eeun.

<body> : evit deraouiñ "korf" un teul HTML, da lavaret eo e endalc'h, kement a vo diskouezet d'an implijer e-barzh prenestr ar merdeer.

Head[kemmañ]

E-barzh an elfenn <head> e vo kavet :

  • <title> : titl ar bajenn, hag a vo skrivet e-barzh e barrenn-titl ar merdeer.

Body[kemmañ]

E-barzh ar c'horf <body> e c'haller kavout tagoù all, e-giz da skouer :

  • <h1>, <h2>,... <h6> : titloù ar c'hevrennoù, an iskevrennoù...
  • <p> : evit digeriñ ur rannbennad nevez.
  • <br> : evit cheñch linenn hep cheñch rannbennad.
  • <table> : evit krouiñ un daolenn (e-barzh hemañ e vo kavet ivez <tr> evit pep linenn eus an daolenn, ha neuze <td> evit dispartiañ ar stlennoù).
  • <div>: evit merkañ ur rann...


Skouer[kemmañ]

<!DOCTYPE HTML>
<html>
 <head>
   <meta http-equiv="Content-Type" content="text/html; charset=UTF-8">
   <title>Salud, mestr an dud !</title>
 </head>
  <body>
   <p><font color="red"><b>Salud,</b></font><br /><font color="blue">mestr an dud !</font></p>
 </body>
</html>

... a vo diskouezet war ar skramm :

Salud
mestr an dud !

Emdroadur[kemmañ]

Al langaj HTML, abaoe ma oa bet ijinet e 1991, a zo bet gwellaet meur a wezh. An emdroadur pennañ eo an XHTML, da lakaat an teul HTML kewir gant ar standard XML.