Ekumen

An Ekumen a zo ur c'hevread galaksiek faltazius meneget e meur a romant savet gant Ursula K. Le Guin. Tennañ a ra e anv eus ar gresianeg οἰκουμένη (ar bed annezet).

Ursula K. Le Guin a implij anezhañ da imbourc'hiñ temennoù kevredadouriel ha denonouriel. Derc'hel a ra an Ekumen un daouzek bennak a blanedennoù annezet gant tud. Poblekaet e oant bet milionoù a vloavezhioù'zo gant Hainiz - an dud orin - ha warno o deus graet taolioù-arnod genel (da skouer war Gethen, e The Left Hand of Darkness zo baskarined eus e e annezidi). En he romantoù e ra alies gant ar ger hilf (evit Highly Inteligent Life Form) da livañ annezidi orin ur blanedenn.

Diskaret e voe sevenadur Hain hag disoñjet e voe gant he zrevadennoù (an Douar en-o-zouez) e oa bet anezhañ. Danevelloù an Ekumen a zanevell penaoz e oa adaozet darempredoù etre ar bedoù denel. Diaesoc'h eget e darn vrasañ ar c'hevredigezhioù galaksiek faltazius eo peogwir n'eus tu ebet da vont buanoc'h eget ar goulou evit tud an Ekumen. Tout ar pezh o deus a zo an ansibl, un ardivink a ro tro dezho da gas kemennadennoù primoc'h vit tizh ar gouloù etre ar stered.

Roll al levrioù

Romantoù

Renket ez eo ar romantoù hervez kronologiezh diabarzh an heuliad, pas hervez deiziadur ag embannadur.

• The Dispossessed (1974) - Urras-Anarres (Tau Ceti)
• The Word for World is Forest (1976) - Athshe/New Tahiti
• Rocannon's World (1964) - Rokanan (Fomalhaut II)
• Planet of Exile (1966) - Werel (Gamma Draconis III)
• City of Illusions (1967) - an Douar
• The Left Hand of Darkness (1969) - Gethen
• Four Ways to Forgiveness (1995) - Yeowe-Werel
• The Telling (2000) - Aka

Danevelloù

Hervez renk an embannadur

• Dowry of the Angyar (1964) - e The Wind's Twelve Quarters (1975) - Rokanan
• Winter's King (1969) - e The Wind's Twelve Quarters (1975) - Gethen
• Vaster Than Empires and More Slow (1971) - e The Wind's Twelve Quarters (1975) - World 4470
• The Day Before the Revolution (1974) - e The Wind's Twelve Quarters (1975) - Urras
• The Shobies' Story (1990) - e A Fisherman of the Inland Sea (1994) - Hain, Ve, M-60-340-nolo
• Dancing to Ganam (1993) - e A Fisherman of the Inland Sea (1994) - Ganam (Tadkla)
• Another Story or A Fisherman of the Inland Sea (1994) - e A Fisherman of the Inland Sea (1994) - O
• The Matter of Seggri (1994) - e The Birthday of the World (2002) - Seggri
• Unchosen Love (1994) - e The Birthday of the World (2002) - O
• Solitude (1994) - e The Birthday of the World (2002) - Eleven-soro
• Coming of Age in Karhide (1995) - e The Birthday of the World (2002) - Gethen
• Mountain Ways (1996) - e The Birthday of the World (2002) - O
• Old Music and the Slave Women (1999) - e The Birthday of the World (2002) - Yeowe-Werel

Planedennoù an Ekumen

Kalz planedennoù zo dalc'het gant an Ekumen ha muioc'h anezho a vez dizoloet a-blaen.

• Aka - Ur bed a oa bet kemmet en un doare don e sevenadur. Emañ abaoe n'eus ket pell zo dindan levezon misionerien deuet eus an Douar. Gwasket e oa bet ar sevenadur hengounel gant ur stad aotrouniek a gas ar gevredigezh a-bezh war hent an araokadenn deknologel The Telling.
• Athshe - Ur blanedenn goloet a goadegoù anvet "New Tahiti" gant tud an Douar. Poblet eo Athshe gant tud vihan ha blevek. Un drevadenn douarel a oa bet savet warni da zastum koad met distrujet e oa bet gant un emsavidigezh eus ar boblorinThe Word for World is Forest.
• Gethen - anvet ivez "Winter". Ur blanedenn yen-kenañ, goloet gant skornegoù, hag annezet gant ur spesad speredek baskarin e The Left Hand of Darkness, Winter's King ha Coming of Age in Karhide.
• Hain - Ar bed Kentañ, anvet ivez Davenant. Ar sevenadur koshañ en Ekumen hag andon darn vrasañ ar spesadoù speredek ennañ.
• Rokanan - Anvet ivez "Bed Rocannon". An eil planedenn eus Fomalhaut, poblet eo gant tri spesad speredek Rocannon's World ha Dowry of the Angyar
• Urras-Anarres - Ur reizhiad a ziv blanedenn (annezidi pep hini a sell ouzh eben evel ouz o loar) o kelc'htreiñ en-dro da Dau Ceti. Ar Cetiz, hag a vev war an div blanedenn, a zo blevek hag o deus un deknologiezh diorroet. Rannet eo Urras e kalz broioù gant meur a sistemoù politikel; Poblet eo Anarres gant an Odoniz, divelourien anezhe. The Dispossessed; Urras is also seen in The Day Before the Revolution.
• Werel - Bed an Alterriz, hironed eus tud an Douar hag eus an dud orin, trede planedenn Gamma Draconis.
• Yeowe-Werel - An trede hag ar pevare planedenn eus ur steredenn n'eo ket Gamma Daconis, hag a zo warno ur gevredigezh sklaver diazezet war ar ouenn (hag ar re zu an hini eo ar vistri).Four Ways to Forgiveness, Old Music and the Slave Women