Crati
Ar stêr Crati, 91 km dezhi, eo brasañ stêr Calabria, ha trede brasañ Su Italia, war-lerc'h ar stêrioù Volturno ha Sele. En Henamzer e oa « Crathis » (Κρᾶθις) hec'h anv.
Red[kemmañ | kemmañ ar vammenn]
Eieniñ a ra ar stêr Crati e menezioù Sila, e kumun Aprigliano, en ul lec'h anvet Timpone Bruno, en ul lec'h a zo 1 742 m a uhelder, ha diskenn alese war-du Cosenza. Eno e kember gant ar stêr Busento, war he lez kleiz, ha daougementet he ledander. Goude e tremen ar stêr Crati dre ur blaenenn vras, traonienn Crati, m'en em gav gant un toulladig adstêrioù war he lez dehoù: ar stêrioù Arente, Duglia, ha Mucone dreist-holl, ha gwazhioù anvet Finita, Turbolo, Cucchiato, Campagnano, Mavigliano ha Settimo. Pelloc'h e tegouezh e Tarsia, ma'z eus bet savet ur stankell d'ober lenn Tarsia. Pa deu e-maez al lenn e red war-du ar biz ma kej gant ar stêr Coscile, war he lez kleiz, ur pemp kilometr diouzh pleg-mor Taranto. Goude-se, etrezek ar reter, e tremen dirak hengêrioù Sybaris ha Thurii.
Aberiñ a ra e pleg-mor Taranto e-kichen porzh Corigliano Calabro.
Kumunioù ma tremen[kemmañ | kemmañ ar vammenn]
Belsito, Bisignano, Castiglione Cosentino, Cerisano, Cosenza, Lappano, Lattarico, Luzzi, Montalto Uffugo, Paterno Calabro, Rende, Rose, Rovito, Tarsia, Terranova da Sibari, Cassano all'Ionio, Corigliano Calabro e Torano Castello.