Zorro
| Reizh pe jener | paotr  |
|---|---|
| Bro ar geodedouriezh | Stadoù-Unanet, Mec'hiko |
| Anv e yezh-vamm an den | Zorro |
| Anv-bihan | Diego |
| Anv-familh | de la Vega |
| Titl noblañs | Don (titl enorus) |
| Tad | Alejandro de la Vega |
| Bugel | Elena de la Vega |
| Yezhoù komzet pe skrivet | saozneg, spagnoleg |
| Micher | socialite, klezeour, human rights defender, outlaw, vigilante |
| Studier | Alejandro Murrieta |
| Statud sokial | nobl |
| Krouet gant | Johnston McCulley |
| Deiziad kregiñ | 1919 |
| Awenet gant | I Beati Paoli |
| Present in work | The Curse of Capistrano, Zorro stories |
| First appearance | The Curse of Capistrano |
| Lec'h produiñ | Stadoù-Unanet |
| Armament | Rapier, bullwhip |
| Lec'hienn ofisiel | https://www.zorro.com |
| Deskrivet en URL | http://www.pjfarmer.com/woldnewton/Zorro.htm |
| Narrative role | tudenn-bennañ |
| Mount | Toronado |
| Sidekick of | Bernardo |
| Enebour | Rafael Montero, Sergeant Pedro Gonzales, Captain Ramón, Monastario, Captain Pasquale |
| Character type | swashbuckler |
El Zorro zo un haroz e kentañ romant ar skivagner stadunanat Johnston McCulley e 1919. Daou-ugent vloaz goude e tapas brasoc'h brud gant ar filmoù skinwel Zorro, anezho 80 rann a 25 munut, rannet etre daou goulzad, produet gant ar studioioù Disney etre 1957 ha 1961. E gwenn ha du e oa ar filmoù-se a-raok bezañ dazlivet e 1992. E 1965 e oant bet skignet e Frañs evit ar wezh kentañ. A-hend-all ez eus produet un daou-ugent film bennak gant Zorro evit ar sine.
Talvout a ra anv an haroz kement ha louarn e kastilhaneg. Ur justisour masklet eo Zorro, gwisket e du penn-kil-ha-treid, ha stourm a ra ouzh an direizhded a vez graet diehan d'ar bobl baour e Kalifornia spagnol an xixvet kantved.
Pa ne vez ket Zorro o vont d'ar pevar lamm ruz war kein e varc'h du, Tornado e anv pe oc'h en em gannañ ouzh ur mac'homer bennaket e vez o pourmen e galite e gwarnizon Monterey, nepell a-walc'h diouzh Los Anjelez, dilhad kran gantañ. Ur gwaz yaouank eus pinvidiien ar vro eo, distro eus Bro-Spagn ma oa aet di d'ober e studi. Goût a ra kontañ kaer d'ar merc'hed. Don Diego de la Vega eo e wir anv ha mab eo da Don Alejandro de la Vega, un aotroù a orin spagnat, mestr ur plas bras, a vez doujet gant an holl er vro. Klask a ra Don Diego chom hep diskouezhañ e oar diouzh ar c'hlezeta ha eñ ha'n em lakaat da zen dizesk war-wel d'an dud, tuet d'ar sonerezh zoken. Bernardo a vez oc'h ober mevel gantañ ha eñ fidel ha mut. Diskouezhañ a ra hennezh bezañ bouzar evit selaou an dud en dez da spiañ hep goût dezho e kompren mat ar pezh a lâront. Ne c'hwit ket ar justisour war e dro d'ober al lu gant ar serjant Garcia e gof bras a vez kaset war e lerc'h gant komandant ar gwarnizon, un den fall ha didruez anezhañ. Lezel a ra Zorro e verk war e lerc'h; ur Z a venn lâret Zorro hag a skriv gant beg e gleze…
