Yezhoù afrikat-hag-aziat

Ur familh-yezhoù eo ar yezhoù afrikat-hag-aziat, ennañ war-dro 240 yezh komzet gant 285 milion a dud e Norzh Afrika, Reter Afrika ar Sahel ha Mervent Azia. Ar yezhoù e skourr ar yezhoù semitek eo ar re nemete zo komzet er-maez eus Afrika dreist-holl.

Daoust ha ma'z eus bet kinniget sellet ouzh Etiopia aliezik a-walc'h evel al lec'h ma oa bet ganet er penn-kentañ an holl yezhoù afrez-semitek, n'eo ket gwall sur eus pelec'h e teuas ar gentyezh afrikat-hag-aziat e gwirionez.

Perzhioù boutin zo etre ar yezhoù er familh-mañ:

daou jener o devez, ha merket e vez ar reizh venel gant un t;
urzh ar frazenn: Verb-Rener-Renadenn dra (VSO) hag a-wechoù ivez Rener-Verb-Renadenn dra (SVO);
kensonennoù stambouc'hus distaget e meur a zoare disheñvel hervez ar yezhoù resis;
morfologiezh hervez patromoù pa cheñch ar gerioù dre gemmoù diabarzh ha n'eo ket dre ouzhpennañ rakgerioù pe lostgerioù hepken.