Yann Wehrling

Yann Wehrling a zo ur politikour ekologour ha kreizour hag ur skeudennaouer gall a orin elzasat, ganet d'an 3 a viz Gouere 1971 e Strasbourg. Besprezidant Rannvro Enez-Frañs eo, e karg eus an treuzkemm ekologel, an hin, ar vevliesseurted hag an ekonomiezh-kelc'h.

Diplomet eo eus an Arzoù neuziañ hag eus skol an arzoù-kinklañ Strasbourg.

Eus miz Genver 2005 betek miz Du 2006 eo bet sekretour broadel Ar Re C'hlas gall. E 2008 e emezel d'ar Mouvement démocrate (MoDem), e vouezh aotreet broadel e teu da vezañ e 2010 hag e sekretour meur e 2017. Dilennet eo da guzulier e Pariz kent dont da vezañ kuzulier e rannvro Enez-Frañs abaoe 2015 ha besprezidant abaoe 2021.

Anvet eo da gannad Frañs e karg eus an ekologouriezh er c'hevraouiñ etrebroadel d'ar 5 a viz Kerzu 2018^[1] betek fin e gefrifi divizet gant Kuzul ar Vinistred d'an 9 a viz Even 2021^[2]. Hervez kont ne vije ket bet kontant Emmanuel Macron nag ar MoDem pa ne soutene ket al listenn LREM / MoDem evit an dilennadeg e Rannvro Enez-Frañs, gant Laurent Saint-Martin en he fenn, ha diviz Kuzul ar Vinistred a vije bet un doare dialgerc'h eta. Diazezañ a ra e miz Here 2022 ar strollad politikel "Ecologie Positive", war skouer ar Grünen alaman.

E 2024 emañ e penn ul listenn evit dilennadeg Parlamant Europa, asambles gant Écologie positive, Cap21, France Écologie, Le Trèfle, 100 % citoyens ha Kevread ar Broioù Unanet (rannvroelourien ha broadelourien, en o zouez Strollad Breizh)^[3].

Oberennoù[kemmañ | kemmañ ar vammenn]

Evel skrivagner[kemmañ | kemmañ ar vammenn]

"Être vivant : quelle aventure" gant Louis-Marie Houdebine ha Yann Wehrling !, Pariz, Embannadurioù le Pommier, 26 a viz Mae 2005, 60 p. (ISBN 2-7465-0230-5)
"La France à l'en-vert" gant Yann Wehrling, Pariz, Embannadurioù L'Archipel, 9 a viz Du 2006, 212 p. (ISBN 2-84187-886-4)
"On a trouvé un chien" gant Anne de La Roche Saint-André, Brigitte Ventrillon, Sophie Dieuaide ha Yann Wehrling, Pariz, Embannadurioù Autrement, a-stroll. « Autrement junior », 17 a viz Genver 2008, 47 p. (ISBN 978-2-7467-0053-6 et 2-7467-0053-0)
"Le changement climatique c'est maintenant" gant Yann Wehrling, Embannadurioù ar Belvédère, 20 a viz Genver 2015, 192 p. (ISBN 978-2-88419-393-1)
"On est tous sur le même bateau" gant Yann Wehrling, embannduirioù Arthaud, 27 a viz Ebrel 2022.

Evel skeudennaouer[kemmañ | kemmañ ar vammenn]

"Ciel mon mari est muté en Alsace... : petit manuel de comportement à l'usage des nouveaux arrivants pour leur éviter impairs et déconvenues" gant Laurence Winter ha Yann Wehrling, Strasbourg, Embannadurioù La Nuée bleue, 17 a viz Ebrel 2000, 185 p. (ISBN 2-7165-0512-8)
"Ciel mon mari est muté en Bretagne ! : manuel de savoir-vivre à la mode de Bretagne" gant Patrick Denieul ha Yann Wehrling, Brest, Embannadurioù an Télégramme, 2 a viz Mae 2004, 180 p. (ISBN 2-914552-97-1)
"Petit traité d'anthropophagie politique" gant Huguette Dreikaus ha Yann Wehrling, Embannadurioù La Nuée bleue, 20 a viz Mae 2009, 80 p. (ISBN 978-2-7165-0738-7 et 2-7165-0738-4)