Vigell

Brastres eus organoù gouennañ ar merc'hed, gwel a-fas.

Ar vigelloù pe vierezoù eo al lodennoù eus korf ar parezed a aoz ar vielloù hag an hormonoù. A bep tu d'ar mammoù emaint, kement ha div alamandezenn vras, etre gwenn ha roz.

Vigelloù ar bronneged

Ar vigelloù zo ul lodenn eus ardivink-genel parezed ar mellkeineged.

Daou vigell o deus. Ha pep hini anezho en deus div garg:

• aozañ vielloù,
• ha krouiñ hormonoù,

Vigelloù ar parezed a zo heñveldraoù gant divgelloù, pe spergelloù ar pared.

Vigelloù ar merc'hed

En oad kaezour e krog buhez strujus ar maouezed. Neuze e teu a bep vigell ur viell dre bep maread 28 deiz (mareadoù viellañ). Ret e vez d'ar vielloù reuziñ un tamm lec'h evit mont e-barzh trompilhoù Falloppio ha mont war-bouez etrezek ar gouhin.