Umar
Ur pennad Omar zo ivez.
Umar ibn al-Khattâb[1] pe Umar Iañ a voe ur mignon tost da Vohammed.
Etre 586 ha 590 e voe ganet e Mekka. Ezel e oa eus klann Banu Ad eus meuriad Quraych. Kalif e teuas da vezañ pa gemeras lec'h Abu Bakr e 634, hag e penn oumma e voe e-pad 10 vloaz[2]. E Medina e varvas d'an 3 pe d'ar 7 a viz Du 644[3], [4]. Drouklazhet e voe gant ur prizoniad pers.
Un nebeud devezhioù goude ez eo Othmân ibn Affân a gemeras e lec'h, daoust ma ne voe ket anvet gant kuzul ar re tost da Vohammed. Ar sunnited a ra rashidun anezhañ ha Al-Fâroûq eo lesanvet ganto [5]. Er c'hontrol e kav d'ar chiited e voe e zilenn evel un taol-Stad da stankañ an hent da Ali ibn Abi Talib[6]. Soñjal a ra dezho ivez e voe pennkaoz da varv Fatima e 632, ha hi unan eus merc'hed Mohammed ha gwreg Ali[7]. Koulskoude ne sav ket a-du an holl chiited gant ar perzh en dije bet e marv Fatima. Lavarout a ra lod lenneien chiit, evel Ahmed al-Katib hag an ayatollah Fadloullah ne gaver roud ebet eus an afer etrezañ ha Fatima er mammennoù diazez chiit evel Kitab Al-Kâfî, "(Levr Al-Kâfî, eleze « Levr ar pezh a zo trawalc'h [gouzout] »).[8].
Notennoù[kemmañ | kemmañ ar vammenn]
- ↑ Anv gwir Abū ḥafṣ `omar ibn al-ḫaṭāb ibn nufayl al-qurašī al-'adawī ; arabeg : أبو حفص عمر بن الخطاب بن نفيل القرشي العدوي
- ↑ Ahmed, Nazeer, Islam in Global History: From the Death of Prophet Muhammad to the First World War, Xlibris, 2000, p. 34. (ISBN 0-7388-5963-X).
- ↑ Al Faroûq, Omar, Muhammad Husayn Haykal, Pennad Mort d'Omar
- ↑ Ibn Kathir en al-Bidayah wa al-Nihayah, pennad 7.
- ↑ En arabeg : al-Fārūq (ar) an hini reizh ; Mufti M. Mukarram Ahmed, Encyclopaedia of Islam, 2005, p. 42 (ISBN 978-81-261-2339-1)
- ↑ Sayed Ali Asgher Razwy : A Critique of Saqifa – Restatement of History of Islam and Muslims World Federation of KSI Muslim Communities, United Kingdom, (ISBN 0-95-09879-1-3)
- ↑ Abu Muhammad Ordoni, Fatima The Gracious, Ansariyan Publications Qum, The Islamic Republic of Iran,
- ↑ Hervez lod chiited ez eo bet ijinet an istorioù ma klever kaoz eus Kitab al-Kafi, evel ar re bet roet da Soulaym ibn Qays dre fazi.