Trevreizhad

Eus Wikipedia
Mont da : merdeiñ, klask
Ekoreizhiadoù eo ar c'houralegi.

Un drevreizhiad, anvet ivez ekoreizhiad[1] pe c'hoazh ekosistem[2] zo un unvez a ya d'ober holl vevien un dachenn resis hag ar metoù fizikel ma vleuniont (doare an douar, gwrez, glav h.a.)[1], o strollañ an holl blantennoù, loened, mikro-organegoù en ul lec'h o labourat asambles gant an elfennoù nann-bevel en endro.
E 1930 e voe ijinet ar ger ecosystem gant Roy Clapham da livañ elfennoù fizikel ha bevoniel un endro gwelet evel un unannenn. An ekologour Arthur Tansley a spisaas ar ger diwezhatoc'h dre e lakaat da reizhiad etreoberiant savet etre biocenosis ha biotop.

Pa vez labouret war an drevoniezh e vez termenet an drevreizhiad evel un teskad gant ur gumuniezh boudoù bev (pe biossenos) ennañ hag hec'h endro douaroniezhel hag aergelc’hel (ar biotop).
An elfennoù e-barzh un drevreizhad bennak a ziorren ur rouedad etredalc'hiat, o lakaat dre-se ar vuhez da chom ha da vont war-raok.
Heñvel eo ar c’heñver a zo etre buhezgelc’h ha trevgelc’h ouzh an hini a zo etre kumuniezh ha trevreizhiad : emañ ar vuhezgelc'h d'an trevgelc’h e-giz emañ ar gumuniezh vuhezhoniel d'an trevreizhiad.

An drevreizhiad zo ur reizhiad naturel hag a ya war stabilaat. Komzet e vez a "bri trevvael" pa zistro ur reizhiad bennak d'ur stad distabiloc'h.

E-barzh an trevreizhiadoù ez eus kenstrolladoù spesadoù kemplezh pe gempleshoc'h. En em glevout a ra an darn vrasañ eus ar skiantourion evit lavarout ez eus ouzhpenn 50% a blant hag a loened an Douar e-barzh koadegi an trovanoù. E-barzh ar re-se n'eus ket bet kalz a argemmadoù-amzer a-hed an amzer, setu dres ar pezh en deus kevaraezet d'ar plant ha d'al loened da zerc'hel da emdreiñ e-pad ur prantad hir a-walc'h.

Liammoù diavaez[kemmañ | kemmañ ar vammenn]

Notennoù[kemmañ | kemmañ ar vammenn]