Kevredad an droourien, reizherien ha jubennerien euskarek

EIZIE, pe Euskal Itzultzaile, Zuzentzaile eta Interpreteen Elkartea, eo anv Kevredad an droourien, reizherien ha jubennerien euskarek en Euskal Herria. Aozet e vez ganto stummadur an droourien euskarek ha difennet o gwirioù.

En 2007 e oa 300 ezel, darn oc'h ober war-dro an treiñ lennegel, re all an treiñ skiantel, pe lezennel, melestradurel, hag all.

Orin

Krouet eo bet en 1987 gant un dornad troourien a vicher hag a felle dezho aozañ ar vicher. Juan María Lekuona e voe ar prezidant kentañ.

Armerzh

Arc'hantet eo EIZIE gant an aozadurioù-mañ:

• Gouarnamant Euskadi

• Proviñs Gipuzkoa

• Centro Español de Derechos Reprográficos (Kreizenn Spagnol ar Gwirioù Reprografek)

Embannadurioù

Gant EIZIE e vez skoazellet pe renet an embannadurioù-mañ:

• Gwivan EIZIE: gwivan an droourien euskarek, en euskareg, kastilhaneg, galleg ha saozneg.

• Dastumad Lennegezh Hollvedel: ur program treiñ d'an euskareg oberennoù meur al lennegezh etrebroadel, skoazellet gant Gouarnamant Euskadi, kroget e 1989 ; a-benn 2014 e oa bet troet 164 titl : [1];

• Basqueliterature.com: lec'hienn savet gant EIZIE evit brudañ al lennegezh euskarek e yezhoù all.

Evezhiadenn

N'eus netra evel EIZIE e Breizh.

Liamm diavaez

• http://www.eizie.org/Elkartea/ikastaroak/ Lec'hienn liesyezhek EIZIE