Timbroù Griqualand
Un tiriad dizalc’h e Suafrika e oa Griqualand en XIXvet kantved, betek ar bloaz 1873 pa teuas da vezañ trevadenn ar Rouantelezh Unanet.
Timbr glas 4 penny embannet e Kab ar Spi Mat e 1864 a voe an hini kentañ implijet e Griqualand (Ar C’hornôg) adalek 1874, hep na vefe merket warnañ anv an drevadenn. Dreistmoullet e oa bet an timbroù gant Ofisour ar Postoù dre skrivañ 1 d gant an dorn.
Timbroù a-ratozh evit Griqualand a voe embannet e miz Meurzh 1877 : timbroù Kab ar Spi Mat atav, moullet warno al lizherennoù G. W. pe G. Stummoù a bep seurt (bras, bihanoc’h, stouet…) a gaver war an timbroù-se.
E 1880 e voe staget Griqualand ar C'hornôg ouzh Trevadenn ar C'hab.
Levrlennadur
[kemmañ | kemmañ ar vammenn]- Goldblatt, Robert. Postmarks of the Cape of Good Hope: the postal history and markings of the Cape of Good Hope and Griqualand West 1792-1910. Cape Town: Reijger Publishers (Pty) Ltd., 1984 (ISBN 0620070986) 267p. and 1988 supplement (47p.)
- Holmes, H.R. The postage stamps of Griqualand West. London: Royal Philatelic Society London, 1963 13p.