The Times of India
.jpg)
| Deiziad krouiñ | 1838, 1898  |
|---|---|
| Titl | The Times of India |
| Stad | India |
| Luskad politikel | centre-right |
| Perc'hennet gant | The Times Group |
| Aozadur mamm | The Times Group |
| Perc'henn war | Indiatimes shopping |
| Sez sokial | Mumbai |
| Bro orin | India |
| Yezh an oberenn pe an anv | saozneg |
| Stumm ar gazetenn | broadsheet |
| Lec'hienn ofisiel | http://timesofindia.indiatimes.com |
The Times of India (TOI) zo unan eus kazetennoù saoznek India[1]. An trede kazetenn vrasañ eo en India, a-fet niver a skouerennoù embannet,[2] hag ar gazetenn saoznek vrasañ er bed a-bezh, gant ouzhpenn 3 milion a skouerennoù embannet bemdez ha kalz muioc'h a lennerien.
Kazetenn saoznek koshañ India eo ivez[3]. Savet e oa bet d’an 3 a viz Du 1838, gant an anv The Bombay Times and Journal of Commerce, evit ar Saozon a oa o vevañ e kornaoueg Indez. Da gentañ ne veze embannet nemet div wech ar sizhun, da Verc’her ha da Sadorn. Keleier eus Europa, eus Norzhamerika hag eus Indez a oa enni. Adalek 1850 e voe embannet bemdez hag e 1861 he doa kemeret an anv a zo ganti bremañ.
Embannet e vez en eizh kêr en India, gant ar stroll The Times Group (Bennett, Coleman & Co Ldt), un embregerezh perc’hennet gant ar familh Sahu Jain. Bez’ eo ar stroll brasañ e bed mediaoù India. Gantañ e vez embannet kazetennoù all ivez The Economic Times, ar Mumbai Mirror, an Navbharat Times (en hindeg) hag ar Maharashtra Times (e marateg) ; meur a chadenn skinwel zo gantañ ivez.
