Kontelladoù el Lise Gambetta en Arras

Tagadenn kontell Lise Gambetta en Arras

stabbing attack

Rann eus	sponterezh islamek en Europa, sponterezh e Bro-C'hall
Arvez	Devezh bedel an Jihad
Stad	Frañs
E tiriad	Arras
Lec'h	lycée Gambetta-Carnot
Daveennoù douaroniel	50°17′16″N 2°46′34″E
Deiziad	13 Her 2023
Armament	Kontell
Bukenn	Dominique Bernard
Oberour	Mohammed Mogouchkov
Gouzañverien	Dominique Bernard, David Verhaeghe, Jacques Davoli

Un dagadenn gant ur gontell a zo bet mintin an 13 a viz Here 2023 el Lise Gambetta-Carnot en Arras, en departamant Pas-de-Calais, e Bro-C'hall.

Dominique Bernard, ur c'helenner galleg 57 vloaz, a zo stoket er gouzoug hag er vrusk en ur glask difenn ar skolidi, marvet eo. Daou zen all eus al lise (ur c'helenner sport gloazet en dremm ha penn labourerien kempenn al lise tizhet gant meur a daol kontell) a zo gloazet don. An dagadenn a zo bet filmet gant skolidi.

An tager a zo Mohammed Mogouchkov, oadet a 20 vloaz, hag a zo bet harzet buan lakaet ouzh an dalc'h gant an archerien. Ur breur yaouankoc'h a zo bet harzet ivez, 16 vloaz, dre ma oa war varc'h-houarn nepell diouzh ur skol en Arras.

Hervez testenni Martin-Roch Doussau, kelenner prederouriezh el Lise Gambetta, ar sponter a oa o klask « ur c'helenner Istor » da lazhañ. Dre-se e vez graet liamm gant Lazhadenn Samuel Paty : tri bloaz a-raok, ar c'helenner Istor-douaroniezh a oa bet lazhet ha dibennet a daolioù kontell gant Abdoullakh Anzorov eñ ivez a orin vaïnakh evel sponter Arras.

E Breizh

Kalz lidoù-koun a zo bet dre ar vro, dreist-holl er skolioù.

Plasenn an harozed en Arras, unan eus al lec'hioùimplijet evit reiñ koun evit Dominique Bernard.

D'ar 15 a viz Here 2023, Ar strollad broadelour gall eus an tu dehoù pellañ L'Oriflamme en deus livet ti ar Parti Communiste Français evit flatrañ ar fed e oa bet harpet familh ar sponter da chom e Bro-C'hall pa oa klasket skarzhañ anezho gant ar Stad C'hall.