TVR

Eus Wikipedia
(Adkaset eus TV Rennes 35)

TV Rennes 35 a zo ur chadenn skinwel lec'hel bet ganet e miz Meurzh 1987 gant an anv TV Rennes. E penn kentañ ar bloavezh 2007 eo bet kemmet an anv evit dont da vezañ an hini a anavezer hiziv an deiz.

Pa 'voe kroget ganti e oa deuet Prezidant ar Republik, ar chadenn lec'hel gentañ krouet e Frañs eo[1]. Ar chadenn a oa skignet tro-dro da Roazhon dre ar fun en orin. Hiziv eo posupl sellet outi en Il-ha-Gwilen a-bezh, war ar rouedad analogel ha niverel doarel (canal 20 an TNT). TV Rennes 35 a zo deuet da vezañ ur chadenn departamantel.

TV Rennes 35 he deus programmoù a zo evit an holl, dre-se he deus un deglev bras a-walc'h war an departamant[2],[3]

Ar budjed a vez dalc'het gant ar strollad Ouest-France, ar Crédit mutuel de Bretagne, Kuzul departamant Il-ha-Gwilen hag an embregerezh en deus e grouet, Rennes Cité Média. N'eo ket trawalc'h an arc'hant gounezet dre ar c'henwerzhel evit derc'hel ar raktres c'hoazh.

Abaoe e grouidigezh e krou TV Rennes 35 liammoù ouzh France 3, Radio France ha Ouest-France. E obererezhioù hag e diorroadur a zo ivez liammet ouzh chadennoù lec'hel all.

Programmoù[kemmañ | kemmañ ar vammenn]

5 tem pennañ a gaver :

  • ar c'helaouiñ;
  • ekonomiezh, sokial ha politikerezh ;
  • ar sevenadur ;
  • ar sport ;
  • ar geodedouriezh.

Kempouez eo dasparzh an eurvezhioù war ar 5 tem.

Alies he deus tro ar chadenn da vont war an dachenn, e-pad meur a zevezh, pa vez darvoudoù ekonomikel pe sevenadurel pouezus evit Roazhon ha tro war-dro. D'ar mare-se e vez graet an abadennoù reoliek war-eeun eus al lec'h.

Abaoe an distro 2007, ez eus abadennoù e brezhoneg war TV Rennes 35, skignet e vez un abadenn brezhonek dre sizhun. 4 programm disheñvel a vez skignet pep hini d'e dro, bep meurzh (hag adskignet e-pad ar sizhun ha war lec'hienn ar chadenn) : Urban Breizh, un abadenn sonerezh ha sevenadur, kinniget gant Gwenvael Jéquel, Webnoz, un abadenn hollek, kinniget gant Lionel Buannic, Leurenn BZH, ur sitcom fentus ha Strak, hag un abadenn a ginnig kêrioù Breizh, kinniget gant Lena ha Marion.

En distro 2008 ez eus bet kreñvaet ar c'hementad abadennoù brezhonek skignet gant ar chadenn.

Liammoù diavaez[kemmañ | kemmañ ar vammenn]

Notennoù ha daveoù[kemmañ | kemmañ ar vammenn]

  1. [1] Conseil Supérieur de l'Audiovisuel
  2. http://www.les1000delouest.com/actualites/default.asp?t=M&id=436 (fr)
  3. http://tvlocales.typepad.fr/mon_weblog/2009/07/tv-rennes-.html Studiadenn an deglev(fr)
Porched Breizh – Adkavit pennadoù ha rummadoù Wikipedia a denn da Vreizh.