Stranger Things
Stranger Things zo ur stirad skinwel skiant-faltazi ha spont stadunanat, savet gant Matt ha Ross Duffer evit Netflix. Ar vreudeur a zo bet ivez produerien gant Shawn Levy ha Dan Cohen. Er c'hentañ koulzad emañ an aktourien Winona Ryder, David Harbour, Finn Wolfhard, Millie Bobby Brown, Gaten Matarazzo, Caleb McLaughlin, Natalia Dyer, Charlie Heaton, Cara Buono, ha Matthew Modine, gant Noah Schnapp ha Joe Keery o c'hoari a-bep-eil ivez. Evit an eil koulzad, Schnapp ha Keery a oa deuet da vezañ aktourien penn. Aktourien nevez a oa bet kemeret evel Sadie Sink, Dacre Montgomery, Sean Astin, ha Paul Reiser, gant Priah Ferguson o c'hoari a-bep-eil. Maya Hawke a zo bet kemeret evit an trede koulzad, Ferguson eñ a zo bet kemeret evel aktour penn.
An istor a dremen en ur gêr ijinet anvet Hawkins, en Indiana, e miz Du 1983. Er c'hentañ koulzad e heulier un enklask war steuziadur ur bugel ha darvoudoù dreistordinal erruet e kêr pe tro-war-dro. En eil stirad skinwel, anvet Stranger Things 2, hag a dremen bloaz war-lerc'h e miz Here 1984, e konter penaos e klask an tudennoù distreiñ en ur bed boas ha disoc'h darvoudoù ar c'hentañ koulzad. En trede koulzad, anvet Stranger Things 3, e tremen an istor e miz Gouhere 1985.