Steredenn liesek

Ur steredenn liesek zo ur reizhiad gravitadur ennañ meur a steredenn, anvet « elfennoù », e kelc'htro an eil re en-dro d'ar re all. Ar re stankañ eo ar stered doubl, met strolladoù teir steredenn (steredenn trizoubl), evel Alpha Centauri , Acrux, Alnitak pe koskoriadoù all kempleshoc'h c'hoazh gant peder, pemp pe c'hwec'h steredenn zo. War ar c'hontrol ne vez ket sellet ouzh an druilhadoù stered evel steredennoù liesek.