Skravig boutin

Eus Wikipedia
Mont da : merdeiñ, klask
Skravig boutin
Sterna hirundo - Rondine di mare.jpg
Ur skravig boutin
Rummatadur klasel
Riezad : Loened
Skourrad : Chordata
Kevrennad : Aves
Kerentiad : Sternidae
Genad : Sterna
Anv skiantel
Sterna hirundo
Linnaeus, 1758
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Ar skravig boutin a zo un evn-mor. Sterna hirundo eo e anv skiantel.

Doareoù pennañ[kemmañ]

E-pad an hañv e vez du-pod beg e bigos hag e bavioù a zo ruz (teñvaloc’h e-pad ar goañv) e gabell du hag e dal gwenn, divaskell hirvoan en deus. Pa vezont o tiskuizhañ ne vez ket hiroc’h o lost forc’hek eget o divaskell. O c'hein a zo glasrous gant bevennoù a-raok an divaskell rousc’hris sklaer.

Dont a reont eus aodoù atlantel Afrika betek Kab ar Spi Mat ha Madagaskar. Degouezhout a reont e-tro miz Ebrel-Mae ha mont a reont kuit e-tro miz Eost-Gwengolo. Hiniennoù a chom da c’hoañviñ dre amañ. En ur zivroañ e ra ar skravig boutin 36 000 km mont-ha-dont bep bloaz (ar pezh a zo ar muiañ evit un evn) ouzhpenn da se ne wel tost james an noz (dre ma vez hañv pa vez er Pol Norzh ha hañv pa vez er Pol Su).

Boued[kemmañ]

Debriñ a ra pesked bihan o tapout anezho en ur splujañ en dour.

Annez[kemmañ]

Tiriad ar skravig boutin: melen, tachenn hañviñ ha gouennañ; glas: tachenn c'hoañviñ.

Ar skravig boutin a neizh a-hed an aod hag a-wezhioù a-hed ar stêrioù, an aberioù, al loc’hoù (lennoù bihan), al lennoù hag ar paludoù (lec’h ma'z eus lec’hid). Neizhañ a ra a-vandennadoù a-hed dour sioul war traezhegoù pe viliegoù; an neizhioù a vez stok-ha-stok, n’int nemet kiboù leuniet o foñs gant briñsennoù. Enno e vez dozvet 2 pe 3 vi arwer.

Rummatadur[kemmañ]

Diouzh an evnoniourien e vez renket ar skravig boutin en urzhiad Charadriiformes pe Ciconiiformes.

Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.