Skin (geometriezh)
E geometriezh klasel e vez lavaret skinoù ur c'helc'h pe ur sferenn eus ar segmantoù a zo etre ar greizenn hag ar poentoù eus ar c'helc'h-se pe eus ar sferenn-se. Dre astenn-ster e vez lavaret skin ar c'helc'h pe ar sferenn eus hirder un hevelep segmant, hag an hanter eus an diametr eo.[1]
En un doare hollekoc'h, e geometriezh, e skiant, en ijinerezh ha war meur a dachenn all, e vez graet skin un dra bennak (da skouer : ur granenn, ur poligon, ur pezh mekanikerezh, un toull pe ur steredeg) eus ar pellder etre e greizenn pe e ahel simetriezh hag ur poent eus ar bord : peuliesañ ar poent pellañ diouzh ar greizenn pe an ahel (ar skin hirañ, pe a-wezhioù ar poent tostañ (ar skin berrañ)[2]. Mar n'eus kreizenn anat ebet e kemerer skin ar c'helc'h troskrivet pe ar sferenn droskrivet. A-benn neuze e c'hell ar skin bezañ hiroc'h eget an hanter eus an diametr (a vez termenet peurvuiañ evel ar pellder brasañ etre daou boent eus ar figurenn).
Daveoù[kemmañ | kemmañ ar vammenn]
- ↑ (en) Termenadur ar skin (radius) e saozneg el lec'hienn mathwords.com. Gweladennet d'an 8 Eost 2009.
- ↑ (en) Robert Clarke James, Glenn James (1992), Mathematics dictionary. 548 pajenn, Springer ISBN 0-412-99041-5, 9780412990410