Seve Ballesteros
Severiano "Seve" Ballesteros Sota, ganet d'an 9 a viz Ebrel 1957 hag aet da Anaon d'ar 7 a viz Mae 2011, a oa ur c'hoarier golf a vicher spagnol. Bet e oa unan eus ar c'hoarierien golf bennañ er c'henstrivadegoù etre kreiz ar bloavezhioù 1970 ha kreiz ar bloavezhioù 1990. Trec'h e oa bet e 90 tournamant etrebroadel, pemp anezho o vezañ kiboù a-live bedel etre 1979 betek 1988: an Open Championship gounezet teir gwech, hag ar Masters Tournament div wech.
Deuet e oa da vezañ brudet e 1976, pa oa 19 vloaz, erruet e oa da eilvet en Open. Lakaet e vez da c'hoarier diazez en adsavidigezh ar golf europat. E 2008 e voe kavet ur c'hrign-bev dezhañ. Ballesteros a zo marvet gant ur c'hrign-bev eus an empenn d'ar 7 a viz Mae 2011, d'an oad a 54 bloaz.