Gwelet an tarzh evit Schutzstaffel

{{LabourAChom}}
{{databox}}
[[Restr:Schutzstaffel Abzeichen.svg|225px|thumb|Arouez an SS savet diwar ar [[runenn]] Sōwilō]]

Ar '''Schutzstaffel''' (pe '''SS''', hag a dalv kement ha "bagadoù-gwareziñ")) a voe un aozadur damsoudardel [[naziegezh|broadel-sokialour]] eus [[Republik Weimar]] hag eus an [[Trede Reich]], renet gant an [[NSDAP]].

An SS a voe krouet d'ar 4 Ebrel e [[München]], e 1925, evel gward personel [[Adolf Hitler]].<ref>{{Literatur |Autor=Bastian Hein |Titel=Elite für Volk und Führer? Die Allgemeine SS und ihre Mitglieder 1925–1945 |Verlag=Oldenbourg Verlag |Ort=München |Datum=2012 |ISBN=9783486709360 |Seiten=41}}</ref> Staliet e oa penn an aozadur er straet Prinz-Albrecht (Hiriv: ''Niederkirchnerstraße''), e [[Berlin]]. Da gentañ e oa ur skourr eus ar [[Sturmabteilung]] (SA) a-raok mont da vezañ polis-diabarzh ar strollad, renet hag meret gant [[Heinrich Himmler]] a-c'houde 1929.

Ne oa ket muioc'h a 280 ezel pa zegouezhas Himmler e penn ar strollad, hogen ar c'hoskor a greskas buan betek tizhout 209 000 ezel e 1933 pa arruas ar strollad e penn ar galloud. Ur skourr milourel a zo bet krouet e tarzh an [[eil brezel bed]], añvet ar [[Waffen-SS]].

== Renkoù hag ardamezioù ==
* ''Pennad spisoc'h: [[Unwiskoù hag ardamezioù ar Schutzstaffel]]''
Ar re SS o devoa savet o simboloù dezho gant lidoù, renkoù, unwiskoù evit diforc'hiañ anezho diouzh an holl aozadurioù Nazi all ha diouzh ar Stad Alaman. A-raok 1929, an SS a zouge ar memes unwisk gell evit re an [[SA]]. Ar c'hemm nemetañ a oa ur gravatenn zu hag ur gasketenn memes liv gant simbol an [[Totenkopf]] (penn marv) hag ar simboloù eskern ha klopenn. Ret e oa bet gortoz 1932 evit ma vefe douget ganto unwiskoù du nemetken. E 1935, an aozadurioù stummañ stourm e SS a groge da implij unwiskoù griz-gell ([[feldgrau]]) evit ar vuhez a pemdez. An SS o devoa bet savet o unwiskoù stourm dezho o-unan, ar re-se a oa modern-tre evit ar mare hag a chom un awen hiziv-an-deiz c'hoazh evit an unwiskoù dreist-holl en Alamagn hag Europa. Ar re gentañ e oant bet o ijinañ mantili hag unwiskoù tok-houarn a c'helle bezañ cheñchet tu evit kaout meur a douellaozadur gant ar memes unwisk. An unwiskoù a oa bet savet gant aotreoù ispisial e kantadoù a embregerezhioù disheñvel. Ul lod eus al labourerien a oa bet prizonidi brezel rediet da labourat. Kalz unwiskoù a voe savet er [[Kamp-bac'h nazi|c'hampoù-bac'h]] a feur ma rede an [[Eil Brezel-bed]] hag e vanke dornoù labour.

Hitler hag an [[NSDAP]] a oa mestr war ar simboloù evit badaouiñ pe kendrec'hiñ bras an dud. 

{{Loskaberzh}}
{{Naziegezh}}
[[Rummad:Naziegezh]]
[[Rummad:Schutzstaffel]]
[[Rummad:Strolladoù hag aozadurioù soudardel lamet e 1945]]