Pevar avel

N = Norzh ; R = Reter ; S = Su ; K = Kornôg B = Biz ; Ge = Gevred ; M = Mervent ; Gw = Gwalarn u = uhel ; i = izel

Ar pevar avel a zo roudoù pennañ un nadoz-vor war ur gartenn douaroniezh: an Norzh, ar Reter, ar C'hornôg hag ar Su.

Rod an avelioù

War ar c'hartennoù e vez treset rod an avelioù, peurliesañ, gant an Norzh war wel. Gwelet a c'haller avelioù hanterek ivez. (Neuze e komzer eus an eizh avel). En nec'h e weler an Norzh atav, pe dost.

Berradur	Avel	Azimut
H	Norzh	0°
Bz	Biz	45°
R	Reter	90°
Gv	Gevred	135°
S	Su	180°
Me	Mervent	225°
K	Kornôg	270°
Gw	Gwalarn	315°
H	Norzh	360°

notenn : pa vez graet anvioù-gwan pe adverboù gant an avelioù, e vezont skrivet gant tallizherennoù bihan.

Anvioù all ar pevar avel

An Norzh a vez graet anvioù all anezhañ ivez:

• an Hanternoz ;
  
• ar Sterenn ;
  
• ar C'hleiz ;
  
• ar Gougleiz (en henvrezhoneg), heñvel ouzh gogledd e kembraeg.

Ar Reter a vez graet ar sav-heol anezhañ ivez .

Ar Su a vez graet anvioù all anezhañ ivez:

• ar C'hreistez ;
  
• an Dehoù, heñvel ouzh de e kembraeg ;
  
• an Dehoubarzh (en henvrezhoneg).

Ar C'hornôg (pe Gornaoueg) a vez graet ar c'huzh-heol anezhañ ivez.

Pennadoù kar

• Penn-ahel gwarellek
• Penn-ahel douaroniel