Richard Barham Middleton
Richard Barham Middleton (1882–1911) a oa ur barzh ha skrivagner saoz. Hiriv eo e gontadennoù spont e oberennoù brudetañ, ha dreist holl The Ghost Ship.[1]
E vuhez[kemmañ | kemmañ ar vammenn]
Ganet e oa e Staines, Middlesex, ha skoliet e Cranbrook School, Kent. Kloareg e voe en ur bank, ar Royal Exchange Assurance Corporation, e Londrez etre 1901 ha 1907. Ne blije ket e labour dezhañ hag ur vuhez all a rene da noz, ha damveneg zo anezhañ e levr Arthur Ransome, Bohemia in London.
Pa guitaas ti e dud e kemeras lojeiz e Blackfriars, ha lakaat e anv en ur c'hleub, an New Bohemians, ma tarempredas skrivagnerien evel Arthur Machen, Louis McQuilland (1880–1946) ha Christopher Wilson.
Dont a reas da vout isrener Vanity Fair dindan Edgar Jepson, ma tisklêrias d'e genseurt Frank Harris e venne bout barzh. Ur pennad goude e voe embannet barzhoneg Middleton, "The Bathing Boy", gant Harris:[2]
A-hervez en em gavas Raymond Chandler gant Middleton, ma reas e soñj Chandler daleañ da vont da skrivagner a vicher. Skrivañ a reas Chandler : "Middleton struck me as having far more talent than I was ever likely to possess; and if he couldn't make a go of it, it wasn't very likely that I could." (Anat din e oa muioc'h donezonet Middleton eget ma c'halljen kaout biken; ha ma ne c'halle ket ober berzh e oa sklaer ne c'halljen ket ivez). [3]
Oberennoù[kemmañ | kemmañ ar vammenn]
- Poems and Songs (1912)
- Poems and Songs Second Series (1912)
- The Day Before Yesterday (arnodskridoù, 1912)
- The Ghost Ship and Other Stories (1912)
- Monologues (1913)
- Queen Melanie and the Woodboy (romant, 1931)
- The Pantomime Man (danevelloù, 1933)
- Richard Middleton (barzhonegoù, 1937), Richards Press
- On Brighton Road (danevell)
Liammoù diavaez[kemmañ | kemmañ ar vammenn]
- Stephen Wayne Foster: A Poet's Death .
Notennoù[kemmañ | kemmañ ar vammenn]
- ↑ Darrell Schweitzer, Richard Middleton: Beauty, Sadness, and Terror. in: Schweitzer, Darrell, ed. Discovering Classic Horror Fiction I. Mercer Island, WA: Starmont, 1992.
- ↑ Frank Harris (1915) Contemporary Portraits, Mitchell Kennerley, New York.
- ↑ Raymond Chandler: Raymond Chandler Speaking, Dorothy Gardiner, Kathrine Sorley Walker (ed.), p. 24, Houghton Mifflin Company, 1962.