Gwelet an tarzh evit Portugaleg

{{Yezh|anv=Portugaleg|anveyezh=Português
|broiou=[[Portugal]], [[Brazil]], [[Angola]], [[Timor Lorosae]],<br>[[Ginea-Bissau]], [[Macau]], [[Mozambik]],<br>[[São Tomé ha Príncipe]], [[Kab Glas]],<br>ha meur a vro all
|rannved= 
|komzet= 218 000 000
|renkadur=6
|livfamilh=lightgreen
|familh=[[Yezhoù Indezeuropek]]
* [[Yezhoù italek]]
** [[Yezhoù romanek]]
***  [[Yezhoù iberek-romanek]]
**** '''Portugaleg'''
|YezhOfisiel= [[Portugal]], [[Unaniezh Europa]], [[Brazil]],<br>[[Angola]], [[Timor Lorosae]], [[Ginea-Bissau]],<br>[[Macau]], [[Mozambik]], [[São Tomé ha Príncipe]],<br>[[Kab Glas]], [[Macao]]
|akademiezh= Instituto Internacional de Língua Portuguesa
|iso1= pt
|iso2=por
|lizherennoù=[http://www.sil.org/iso639-3/documentation.asp?id=POR POR]
}}
{{InterWiki|pt}}

Ur [[yezhoù romanek|yezh romanek]] eo ar '''portugaleg''' ganet diwar [[distagadur]] poblek al latin e gwalarn al [[ledenez]] iberek da heul donedigezh ar Romaned adal an {{IIIe kantved kt JK}}. Levezonet e voe gant ar pobloù germanek etre ar [[Vvet kantved|{{Vvet}}]] hag an {{VIIIvet kantved}} goude JK.

Gant an {{XIvet kantved}} ha penn kentañ ar ''[[Reconquista]]'', emled ar [[kristeniezh|gristenien]] diwar-goust ar [[Islam|vuzulmaned]], e teuas ar [[galizeg]]-portugaleg da vezañ ur [[lennegezh|yezh lennegel]] e [[norzh]] [[Portugal]] hag e [[Galiza]]. 

A-feur m’en em ledas ar gristenien betek ar [[Su]] e voe levezonet ar yezh gant an [[arabeg]] ivez. 

Daoust d’ar [[yezhoù semitek|yezh semitek]]-se bezañ laosket roudoù stank e portugaleg, n’int ket ken niverus hag ar re testeniekaet e [[spagnoleg]]. Preizhet e voe [[Faro]] (kêr eus [[rannvro]] [[Algarve]], e Su Portugal) gant Portugaliz 243 bloaz a-raok [[Granada]] gant ar Spagnoled. Tamm-ha-tamm e krogas ar portugaleg d’en em ziforc’hañ diouzh ar galizeg. 

Pellaat a reas c’hoazh gant dizalc’hidigezh Portugal e [[1185]], argasadenn an Arabed ha drouziwezh ar Gastilhaned tra ma chome Galiza dindan gallout [[Rouantelezh Kastilha]].

Etre ar {{XIVvet kantved|XIVvet}} hag ar {{XVIvet kantved}} dreist-holl e voe savet [[impalaeriezh Portugal]] en [[Afrika]], [[Amerika]] hag en [[Azia]]. Mont a reas [[Bartolomeu Dias]], [[Vasco da Gama]], [[Pedro Álvares Cabral]], [[Fernan Magalhaes|Fernão de Magalhães]] (Magellan)... war morioù ar bed. Dont a reas ar portugaleg da vezañ ur genyezh betek [[Japan]].

[[Restr:Detailed SVG map of the Lusophone world.svg|thumb|500px|Takad ar portugaleg dre ar bed hiziv]]

A-drugarez da yezherien [[Brazil]] dreist-holl eo deuet ar portugaleg da vezañ an 3<sup>de</sup> yezh europek muiañ komzet goude ar saozneg hag ar spagnoleg hag an 8<sup>vet</sup> er bed a-bezh, gant ouzhpenn 200 milion a yezherien hiziv an deiz. Yezh ofisiel 8 stad eo : [[Angola]], [[Brazil]], [[Kab Glas]], [[Ginea-Bissau]], [[Mozambik]], [[Portugal]], [[São Tomé ha Príncipe]] ha [[Timor Lorosae]]. 

Mont a reont d’ober ar ''Comunidade dos Países de Língua Portuguesa'' (Kumuniezh ar broioù portugalek) a zo he fal skignañ ar portugaleg ha broudañ an dud d’e zeskiñ. Pinvidik eo al [[lennegezh portugalek]] ha niverus eo ar skrivagnerien, e Portugal hag e Brazil dreist-holl.
== [[Yezh ar sinoù]] ==
* Ar re vouzar a ra gant [[Yezh ar Sinoù Portugalek]], hag e [[Brazil]] gant [[Yezh ar Sinoù Brazilek]].

== Gwelet ivez ==
* [[Portugal]]
* [[Brazil]]
* [[Galizeg]]

== Liammoù diavaez ==
{{commonscat|Portuguese language}}
* [https://web.archive.org/web/20120509183829/http://www.ethnologue.org/show_language.asp?code=por ''Ethnologue'']
* [http://www.instituto-camoes.pt/ ''Instituto Camões'']
* [https://web.archive.org/web/20060224011906/http://www.dicionarios-online.com/ Geriadurioù portugaleg]
* [http://www.applelanguages.com/en/learn/portuguese.php Kentelioù portugaleg]

[[Rummad:Meneger yezhoù ar bed]]
[[Rummad:Yezhoù romanek]]
[[Rummad:Yezhoù Portugal]]
[[Rummad:Yezhoù Angola]]
[[Rummad:Yezhoù Brazil]]
[[Rummad:Yezhoù Ginea-Bissau]]
[[Rummad:Yezhoù ar C'hab Glas]]
[[Rummad:Yezhoù Mozambik]]
[[Rummad:Yezhoù Unaniezh Europa]]
[[Rummad:Portugaleg]]