Poltred prizoniadezed Hehalutz

Eus Wikipedia
Sauter à la navigation Sauter à la recherche

Mit Waffen gefangene Weiber der Haluzzenbewegung ("Maouezed Hehalutz paket gant armoù") zo ur poltred brudet ma weler teir maouez yuzev o devoa stourmet e-pad Emsavadeg Ghetto Warszawa.
Ar re-se a oa bet o kuzhat en ur bunker e-lec'h ma oa oa bet skoachet armoù. Stourmet o devoa betek bezañ paket gant soudarded an SS. Unan eus ar maouezed, Bluma Wyszogrodzka (e-kreiz ar poltred), a voe fuzuilhet. An div all, Rachela Wyszogrodzka (a-gleiz) ha Małka Zdrojewicz (a-zehoù) a voe kaset d'an Umschlagplatz ha deportet da gamp-bac'h Majdanek. Eno e voe muntret Wyszogrodzka.
Jürgen Stroop, ar pennofiser SS karget da flastrañ an emsavadeg, a oa bet bamet gant kalon ar stourmerezed. Eñ eo en devoa lakaet ar poltred en unan eus dezrevelloù ofisiel an emgann. Ar poltred a zo deuet da vezañ un arouez eus ar rezistañs yuzev a-enep an Holokost.

Istor[kemmañ | kemmañ ar vammenn]

E-pad an hañv 1942, darn eus yuzevien gettho Warszawa a voe deportet da gamp lazhañ Treblinka. E miz Genver 1943, pa voe adkroget an deportadurioù gant an Alamanted, aozadurioù stourm ar yuzevien o devoa kroget ur stourm armet. Savet e oa bet bunkerioù ha kuzhet armoù er ghetto. D'an 19 a viz Ebrel 1943, e-tro 2000 sooudard renet gant ar penn ofiser SS ha polis Jürgen Stroop a oa deuet tre er ghetto gant tankoù evit flastrañ ar stourmerien. Soñjet o doa e vije ur stourm prim dre ma oa armet fall ar yuzevien emsavet. En gwirionez Emsavadeg Ghetto Warszawa, an enebadur pouezusañ eus ar rezistañs yuzev a-enep an holokost, a oa padet peder sizhun. An Alamanted a voe rediet da blantañ tan er ghetto, da implij pompennoù gaz kontamus a-enep ar bunkerioù, da implij danvez-tarzh a-enep difennerezhioù ar yuzevien. A-benn ar fin e voe tizhet pal an nazied, lakaat anezho da vont etrezek an Umschlagplatz ha deportañ anezho war-zu Majdanek ha Treblinka. An enebadur armet a oa unan dispi met chomet eo evel "unan eus an darvoudoù brudetañ en istor ar yuzevien", hervez an United States Holocaust Memorial Museum[1].

Notennoù ha daveennoù[kemmañ | kemmañ ar vammenn]

  1. Freilich, Miri; Dean, Martin (2012). "Warsaw". In Geoffrey P., Megargee; Dean, Martin; Hecker, Mel. Ghettos in German-Occupied Eastern Europe. Encyclopedia of Camps and Ghettos, 1933–1945. 2. Translated by Fishman, Samuel. Bloomington: United States Holocaust Memorial Museum. p. 459. ISBN 978-0-253-00202-0