Plac'h-enor

Poltred Anne Boleyn, gant ul livour dianav. Anne Boleyn a oa dimezell a enor gant ar rouanez Catalina de Aragón a-raok dimeziñ d'ar roue Herri VIII.

En daolenn Las Meninas gant Velázquez e weler an infantez Margarita de Austria gant he dimezelled Isabel de Velasco ha María Agustina Sarmiento de Sotomayor. 1656.

An impalaerez Eugenia gant he dimezelled. Winterhalter, 1855.

Ur plac'h-enor, pe dimezell a enor pe dimezell a heul, en ul lez, zo ur plac'h karget da servij ur rouanez pe ur briñsez, pe un itron a renk uhel.

En Istor Europa e veze alies ur plac'h eus an noblañs, hogen a renk izeloc'h eget an hini edo o servij. Koulskoude e veze muioc'h ur gompagnunez d'he mestrez eget ur servijerez.

Plijout a rae d'ar rouaned ha d'o mibien merc'heta e-touez ar plac'hed-enor-se ma veze aes dezho kavout serc'hed yaouank diouzh o ezhomm.

Plac'hed a enor brudet

• Mary Boleyn, c'hoar da Anne Boleyn, serc'h da Herri VIII er bloaz 1520
• Peder eus gwragez Herri VIII, Anne Boleyn, Jane Seymour ha Catherine Howard a voe dimezelled a enor a-raok dimeziñ d'ar roue
• Sarah Jennings, pried 1añ Dug Marlborough
• Cynthia Elinor Beatrix Hamilton
• Murasaki Shikibu, skrivagnerez
• Sei Shōnagon
• Charlotte von Stein

• 
  Lettice_Knollys
• 
  Maria Luisa di Savoia, Priñsez Lambal, itron gant ar rouanez Marie-Antoinette
• 
  Charlotte von Stein