Pierre Le Baud

Eus Wikipedia
Mont d’ar merdeerezh Mont d’ar c’hlask
Enlivadur tennet eus Compillation des cronicques et ystoires des Bretons gant Pierre Le Baud

Pierre Le Baud, pe Lebaud, ganet war-dro 1450, e Saint-Ouën-des-Toits (Mayenne) diouzh a greder, ha marvet d'an 29 a viz Gwengolo 1505 e Laval, a oa chaloni ha kofesour an dugez Anna Breizh hag anavezet eo abalamour d'e skridoù diwar-benn istor Breizh.

Daou Istor Breizh en doa skrivet ; an hini kentañ e 1480, dindan ren an dug Frañsez II, hag an eil e 1505, dindan ren an dugez Anna. Div skouerenn dornskrivet a chom eus an oberenn gentañ, anvet "Compillation des cronicques et ystoires des Bretons", hag a oa bet adembannet e 2018 gant ar Presses Universitaires de Rennes.

D'ar 4 a viz Here 1496 e oa bet aotreet Pierre Le Baud, gant an dugez Anna, da furchal en holl skridoù ha "teulioù a oa e chabistroù, abatioù, kumuniezhoù ha dielloù ar vro". Echuiñ a reas skrivañ e eil "istor Breizh" e 1505 hag embannet e voe gant an anv "Cronique des roys et princes de Bretaigne armoricane". Teir skouerenn dornskrivet eus an oberenn-se zo chomet betek ennomp. Moullet e voe e 1638, gant an titl "Histoire de Bretagne, avec les chroniques des maisons de Vitré et de Laval".

Skridoù all en deus savet Pierre Le Baud ivez : "La Chronique de Vitré et de Laval", "Le Bréviaire des Bretons", "Le Discours de l'Origine et Antiquité de Laval".

Liamm diavaez[kemmañ | kemmañ ar vammenn]