Pertinax

Eus Wikipedia
Sauter à la navigation Sauter à la recherche
Pertinax Providentia Aureus.jpg

Publius Helvius Pertinax, ganet d'ar Iañ a viz Eost 126, en Alba Pompeia, e Piemonte, a voe Impalaer roman e-pad tostik da drimiz, e 193, etre miz Genver ha miz Meurzh .

Buhez[kemmañ | kemmañ ar vammenn]

Ganet e oa Publius Helvius Pertinax en ur familh a renk izel. E dad a oa genidik eus Alba Pompeia, en Liguria, e oa ur frankiziad, kalvez pe kenwerzher e vicher.

Pertinax e oa da gentañ kelenner war ar yezhadur. Gwelloc'h e kavas mont d'an arme.

Goude bezañ bet kantener e oa savet da brefed ur strollad da vare Antoninus, ha kaset da Syria ha da Vritannia. Goude se e oa e penn ur skouadron marc'hegiezh e bro Moeszia; komandant morlu ar Rhin; melestrour bro Dacia; senedour; komandant Legio I Adiutrix e Rhetia ha Norica; koñsul (suffectus) war-dro 175; legad koñsul Mezia, Dacia, Syria e 176; legad koñsul Britannia e 185; prokoñsul Afrika e 188; prefed Roma adalek 189; koñsul boutin e 192 da heul Commodus.

Kinniget gant Laetus, prefed ar pretordi, da vont da impalaer goude marv Commodus.

Dies imperii (Deiz ar c'halloud) ː In Genver 193. Oajet e oa Pertinax a 67 bloaz.

Lazhet eo bet gant ar bretorianed, kaset gant Laetus, d'an 28vet a viz Meurzh 193. Troc'het ha baleet e benn a-dreuz kamp ar Bretorianed. [1]

Skridoù ha komzoù heverk[kemmañ | kemmañ ar vammenn]

  • dirak ar Sened ː "gwelloc'h eo din ren dre reizhded ur republik paour, eget kaout pinvidigezh dre doareoù gwaskereh ha dizoner"

Daveoù[kemmañ | kemmañ ar vammenn]

  1. François Zosso & Christian Zingg : Les empereurs romains. 27 av. J.-C. - 476 ap. J.-C. Embannadurioù Errance. 1994. p. 62-63