Gwelet an tarzh evit Oidipoüs

[[Restr:Oedipus sphinx Louvre G417 n2.jpg|thumb|'''Oidipoüs''' (dehou) hag ar Sfiñs, gant [[Hermes]] (kleiz)<br><small>''Stamnos'' [[attika]]t, ''c.'' 440 KJK<br>[[Mirdi al Louvre]], [[Pariz]]</small>]]
'''Oidipoüs''' (Οἰδίπους, [[IPA]] /oi'dipo<sup>us</sup>/<ref>[http://fr.forvo.com/word/%CE%BF%E1%BC%B0%CE%B4%E1%BD%B7%CF%80%CE%BF%CF%85%CF%82/ ''Forvo'']</ref>, «&nbsp;troad koeñvet&nbsp;» en [[henc'hresianeg]], Οιδίποδας ''Oidipodas'' e [[gresianeg modern|gresianeg a-vremañ]]) zo un [[haroz]] ha [[roue]] [[Thebai]] e [[Mitologiezh Henc'hres|gwengelouriezh]] [[Henc'hres|Hellaz kozh]].<br>
Brudet eo dre zaou ober : diskoulmañ luziadell ar [[Sfins (Hellaz)|sfiñs]] ha bezañ graet daou dorfed hep gouzout dezhañ, lazhañ e dad ha [[priedelezh|dimeziñ]] d'e vamm.<br>
Troioù ha gwalldroioù Oidipoüs a zo danvez teir zrajedienn gant [[Sofokles]].

== Ar vojenn ==
[[Restr:Oedipus and the Sphinx MET DP-14201-023.jpg|thumb|''Oidipoüs hag ar Sfiñs''<br>[[Gustave Moreau]] ([[1864]])<br><small>''[[Metropolitan Museum of Art]]'', [[New York]]</small>]]
Hervez ar wengelouriezh henc'hresian e oa an [[doue]] [[Zeus]] hendad [[Labdakos]], mab [[Polydoros]] ha diazezer [[tierniezh]] al [[Labdakided]], roueed Thebai. E vab [[Laios]] a voe roue Thebai d'e dro.<br>
Un torfed a reas Laios p'en devoe darempredoù [[revelezh denel|revel]] gant ur [[paotr]] yaouank anvet C'hrysippos, [[emlazh|en em lazhas]] en abeg d'ar [[Mezh|vezh]] a-c'houde bout bet [[gwallerezh|gwallet]].[[Pelops]], tad ar paotr yaouank, a [[mallozh|vallozhas]] an torfedour hag e lignez da zont. Un [[orakl]] a gemennas da Laios e [[planedenn|donkadur]] : mar deuje ur mab dezhañ, ar mab-se e lazhje e [[tad|dad]] hag a zimezje d'e [[mamm|vamm]].<br>
Daoust da strivoù Laios e voe ganet ur mab gant e wreg [[Iokaste]]. Divizout a reas ar roue hag ar rouanez kaout an dizober eus ar bugel, a zilezjont war ur [[menez]] e [[Kithairon]] gant e [[troad|dreid]] liammet dre ur spilhenn vras – alese an anv ''Oidipoüs'', «&nbsp;troad koeñvet&nbsp;».<br>
Ne varvas ket ar bugel avat ; dastumet e voe gant ur mêsaer-[[dañvad|deñved]] anvet [[Forbas]] ha kaset da roue [[Korinthos]], [[Polybios]], en desavas gant e [[gwreg|wreg]] [[Merope (Oidipoüs)|Merope]] evel o mab dezho.
[[File:Oedipus-taken-down-from-the-tree-1847.jpg|thumb|left|Oidipoüs a oa bet lezet a-ispilh ouzh ur wezenn gant e dud ha saveteet gant Forbas. Taolenn gant [[Jean-François Millet]]]]

Pe voe en e oad gour ez eas Oidipoüs da c'houlenn kuzul digant orakl [[Delfi]], a ziouganas e donkadur dezhañ : lazhañ e dad ha dimeziñ d'e vamm. Pa grede da Oidipoüs e oa Polybios e dad e tec'has kuit eus Korinthos.<br>
War an hent a gase da Dhebai e voe dotuet gant un [[tenn|ave]]. [[Tabut]] a voe, hag Oidipoüs a lazhas an toucher hag e dreizhad. Hep gouzout dezhañ en devoa lazhet e dad Laios.

Pa oa o tostaat da Dhebai e klevas Oidipoüs a-zivout ur sfiñs, un euzhvilez he c'horf [[leon]] hag he fenn [[maouez]], a sponte kêr dre blaouiañ kement den na oa ket gouest da ziskoulmañ he luziadelloù. Mont a reas daveti, ha klevet al luziadell-mañ :
<blockquote>«&nbsp;''Pe loen zo pevarzroadek da veure, daoudroadek da greisteiz ha trizroadek da noz ?''&nbsp;»</blockquote>
«&nbsp;[[Mab-Den|Mab-den]] an hini eo,&nbsp;», a respontas Oidipoüs, «&nbsp;rak war e barlochoù e vez e deroù e vuhez, war e zaou droad e kreiz e vuhez ha gant ur vazh-kamm e diwezh e vuhez.&nbsp;»

En em strinkañ er goullo a reas ar sfiñs trec'het, ha pobl Thebai ha kinnig tron Laios ha gwele Iokaste da Oidipoüs.<br>
Ren war Dhebai a reas Oidipoüs neuze, ha dimeziñ d'e vamm, a roas pevar bugel dezhañ : daou vab, [[Polyneikes]] hag [[Eteokles]], ha div verc'h, [[Antigone (merc'h Oidipoüs)|Antigone]] hag [[Ismene (merc'h Oidipoüs)|Ismene]]. Sevenet e voe diougan an orakled eta.

Diwezhatoc'h e voe ar [[bosenn (kleñved)|vosenn]] o wastañ Thebai, hag an [[divinouriezh|divinour]] [[dallentez|dall]] [[Teiresias]] a lavaras da Oidipoüs e oa kement-se ur c'hastiz a-berzh an doueez [[Hera]] en abeg da zrouklazh Laios, roue kozh Thebai.<br>
E-kerzh e enklask e kavas Oidipoüs e oa-eñ muntrer Laios, a oa e dad gwirion. En em grougañ a reas Iokaste pa verzas e oa dimezet d'he mab ha da vuntrer he gwaz ; pa welas ar reuz en devoa degaset e kemeras Oidipoüs div spilhenn a-ziwar [[sae]] ar rouanez hag e tarzhas e [[lagad|zaoulagad]].

Da heul ar gavadenn-se e voe forbannet Oidipoüs gant pobl Thebai, hag eñ ha mont en harlu. Echuiñ a reas e vuhez e [[Kolonos]] tra ma oa e vibien Polyneikes hag Eteokles o wastañ Thebai d'o zro e [[Brezel ar Seizh Penn]], a gasas Antigone d'ar marv ivez pa voe lazhet gant hec'h [[eontr]] [[Kreon (Thebai)|Kreon]], breur Iokaste ha roue nevez Thebai.

*Meur a ziwezh zo da vuhez Oidipoüs e skridoù Henc'hres.
:En darn vuiañ anezho e tarzh Oidipoüs e zaoulagad a-benn na welet disoc'h e dorfedoù, hag ez a en harlu. Hervez [[Homeros]] avat e chom da ren war Dhebai<ref name="TAL">[https://web.archive.org/web/20130828211909/http://www.ancientlibrary.com/smith-bio/2349.html ''The Ancient Library''] {{en}}</ref> ; gwech ez a en harlu da Golonos kent marv e vibien (Sofokles), gwech e ra goude o marv ([[Aisc'hylos]])<ref>[http://fr.forvo.com/search/%CE%91%E1%BC%B0%CF%83%CF%87%CF%8D%CE%BB%CE%BF%CF%82/grc/ Distagadur henc'hesianek]</ref>.
:En holl skridoù avat e vallozh Oidipoüs e vibien, ar pezh a zo pennabeg da Vrezel ar Seizh Penn.
:E skrid Sofokles e kendalc'h Iokaste gant he buhez betek an emgann etre he mibien ; pa ne zeu ket a-benn d'o sioulaat en em lazh gant ur [[kleze|c'hleze]].

== Un haroz dasprenet ==
[[Restr:Oedipus.jpg|thumb|Oidipous dallet<br>''(Louis Bouwmeester, war-dro 1896)'']]
Oidipoüs zo unan eus an nebeud harozioù ha n'int ket bet ankouaet, zoken pa oa ar [[Kristeniezh|gristeniezh]] o teurel an dismegañs war [[barzhoniezh]] ha c'hoariva an [[Henamzer]].

E deroù unan eus ar [[romant]]où [[gallek]] kentañ, ''[[Le roman de Thèbes]]'' ([[1150]]-[[1155]]) e lenner diwar-benn <q>&nbsp;Edipopus&nbsp;</q>, en devoa lazhet e dad ha dimezet d'e vamm kent red an istor, a c'hoarvez gant e vibien Polyneikes hag Eteokles<ref>''Le roman de Thèbes'', Le Livre de Poche, 1995, {{ISBN|978-2-253-06387-2}} {{fr}} (ha skrid henc'hallek orin).</ref>. Ur <q>&nbsp;bouc'h lik&nbsp;</q> eo Edipopus hervez ar [[kloareg|c'hloareg]] dianav a aozas ar skrid, en enep da Iokaste a zo lakaet da bimpatrom ar [[kasted|gasted]]. D'ur [[pec'hed|pec'her]] eus ar re washañ eo troet Oidipoüs neuze, pa ne oa nemet ur reuziad anezhañ e mojenn an Henamzer.<br>
Adalek an [[Azginivelezh]] hepken, hag an distro d'ar skridoù hen, ez adkavas an haroz ur staelad dereatoc'h.

Er pezh-c'hoari ''Œdipe'' gant [[Pierre Corneille]] ([[1659]]) n'eus ket anv a likentez ken, nag a [[gwadorged|wadorged]] zoken : ur roue reizhwir a savete ar geoded dre an emvuturniañ eo Oidipoüs, un den a zever a stourm ouzh itrikadennoù gwallsiek an doueed.<br>
En ''Œdipe'' [[Voltaire]] ([[1718]]) ez eus un emsaviad gwirion eus Oidipoüs, pa yud <q>&nbsp;Deoc'h eo ma zorfedoù !&nbsp;</q> da zoueed [[Olympos]], ar pezh a oa tost d'ul ledoued evit ar gristenien e deroù an {{XVIIIvet kantved}}.<br>
E-tro an [[Dispac'h Gall]] e voe Oidipoüs un emsaver a stourme a-enep [[Neñv]] ar [[relijion]] gristen hag a-enep [[hollveliouriezh|tiranted]] ar bed-mañ.

== Ur prederour ==
[[Restr:Jean-Auguste-Dominique Ingres - Oedipus and the Sphinx - Walters 379.jpg|thumb|''Oidipoüs hag ar Sfiñs''<br>Dominique Ingres (1808)<br><small>''Walters Art Museum'', [[Baltimore]]</small>]]
[[Restr:Lecomte - Oedipe et Phorbas 01.jpg|thumb|''Oidipoüs ha Forbas''<br><small>Félix Lecomte, 1771</small>]]
[[Restr:Oedipus Phorbas Chaudet Louvre N15538 02.jpg|thumb|''Forbes hag Oidipoüs''<br><small>Antoine-Denis Chaudet, 1801</small>]]
Hervez ar barzh [[Alamagn|alaman]] [[Friedrich Hölderlin]] ([[1770]]-[[1843]]), en displegoù a ouzhpennas d'e droidigezh [[alamanek]] eus ''Oidipous'' Sofokles ([[1804]])<ref>[http://gutenberg.spiegel.de/buch/oedipus-der-tyrann-6633/1 ''Spiegel''] {{de}}</ref>, ez eo Oidipoüs un haroz ankeniet, spontet m'eo gant e zic'halloud, hag ur [[prederouriezh|prederour]] a zo o klask ar wirionez. Un tirant n'eo ket, ar pezh a zegasas un sell nevez war an haroz, evel m'eo bet skeudennet gant [[Dominique Ingres|Ingres]] dre e zaolenn vrudet ''Oidipoüs hag ar Sfiñs'' e [[1808]], ma weler Oidipoüs o stouiñ dirak ar sfiñs en un doare a zo damheñvel ouzh hini ''Ar soñjer'' gant [[Auguste Rodin]] ([[1882]]).<br>
Ar prederour [[Georg Wilhelm Friedrich Hegel|Georg Hegel]] (1770-[[1831]]) a lakaas Oidipoüs da ziagentad an holl brederourien : hag eñ un den troet war an ober, na soñj ket e heuliadoù e daol pa lazh e dad ha pa zimez d'e vamm hep gouzout dezhañ, e tro an haroz da brederour p'en em gav dirak ar sfiñs ha pa glask kompren ster an [[Istor]]. Prederourien all a zegemeras soñj Hegel a-hed an {{XIXvet kantved}}. Setu amañ ali [[Arthur Schopenhauer]] ([[1788]]-[[1860]]), en ul lizher deiziadet [[11 a viz Du]] [[1815]] a gasas da [[Johann Wolfgang von Goethe]] ([[1749]]-[[1832]]) :
<blockquote>
<q>&nbsp;An nerzh-kalon da vont betek penn ar c'hudennoù eo danvez ar brederourien. Ret eo dezho bout evel Oidipoüs Sofokles, a gendalc'h dizehan gant e glask, mennet m'eo da sklaeraat e donkadur spouronus, zoken pa zivin ne zeuio nemet euzh ha braouac'h gant ar respont.<br>
Hogen e kalon an darn vuiañ ac'hanomp ez eus un Iokaste a asped Oidipoüs, abalamour d'an doueed, da chom hep klask pelloc'h ; ha plegañ a reomp dezhi, setu perak emañ ar brederouriezh er stad m'emañ.&nbsp;</q><ref>Meneget gant ar [[bredelfennerezh|bredelfenner]] [[Hungaria|hungarat]] [[Sándor Ferenczi]] ([[1873]]-[[1933]]) e ''La figuration symbolique des principes de plaisir et de réalité dans le mythe d’Œdipe'' (1912), ''Psychanalyse I, Oeuvres complètes - Tome I : 1908-1912'', Payot, 1990, {{ISBN|978-2-228-88153-1}} {{fr}} ; gwelet ivez [http://www.psycha.ru/fr/ferenczi/1912/figuration_oedipe.odt ''Psycha''] {{fr}}</ref>
</blockquote>
E [[1905]] ez embannas ar skrivagner [[aostria]]n [[Hugo von Hofmannsthal]] ([[1874]]-[[1929]]) e droidigezh alamanek eus ''Oidipous'' Sofokles : ''König Ödipus''<ref>[http://gutenberg.spiegel.de/buch/-6632/1 ''Spiegel''] {{de}}</ref> ; e [[1903]] en devoa embannet e bezh-c'hoari ''Ödipus und die Sphinx''<ref>Hugo von Hofmannsthal Gesammelte Werke — Dramen II, 1892-1905'', Fischer Taschenbuch Verlag, 1979, {{ISBN|978-3-596-22160-8}} {{de}}</ref>, ma lakae pouez war drouklazh an tad ha hoal ar vamm goude bezañ lennet labourioù [[Sigmund Freud]].<br>
Adalek deroù ar [[bloavezhioù 1930]] ha damkaniezh <q>&nbsp;[[kemplezh Oidipoüs]]&nbsp;</q> S. Freud e steuzias an haroz e koun an dud, ha ne chomas anezhañ nemet ur bazenn en emdroadur bugale mab-den.

== Oidipoüs er bredelfennerezh ==
Hervez Sigmund Freud e c'hoarvez gant pep [[paotr]], pa vez 4 pe 5 bloaz, ur stad vredel zibar a zo kenpred gant donedigezh al luzadoù [[revelezh|revel]] kentañ : hep gouzout dezhañ e vez desachet ar paotrig gant hoal e vamm, ha gwarizi a vag ouzh e dad rak ur c'hevezer e vez e-pad ar mare berr-se. <q>&nbsp;Kemplezh Oidipous&nbsp;</q> a reas S. Freud eus ar stad-se e diorroadur bredelfennel pep bugel gourel<ref>Sigmund Freud, [https://archive.org/details/uumlberPsychoanalyse ''Über Psychoanalyse''], Franz Deuticke, 1930 {{de}} • ''Cinq leçons sur la psychanalyse'', Payot, 2013, {{ISBN|978-2-228-90926-6}} {{fr}}</ref>.<br>
Gant ar [[bredvezegiezh|bredvezeg]] [[suis]] [[Carl Gustav Jung]] ([[1875]]-[[1961]]) e voe stadet e c'hoarvez <q>&nbsp;[[kemplezh Elektra]]&nbsp;</q> gant ar merc'hedigoù<ref>Carl Gustav Jung (1913), ''Versuch einer Darstellung der Analytischen Psychologie'', en ''Gesammelte Werke''/4, Walter Verlag, 1990, {{ISBN|978-3-530-40704-4}} {{de}} ; e gwengelouriezh Henc'hres, [[Elektra (merc'h Agamemnon)|Elektra]] a lazhas he mamm Κλυταιμνήστρα [[Klytaimnestra]], he devoa itriket evit lazhañ he fried [[Agamemnon]], tad Elektra.</ref>.

== Oidipoüs en arzoù ==
Kalz arzourien er bed a-bezh zo bet awenet gant mojenn Oidipoüs.
===Lennegezh===
;C'hoariva Henc'hres
*Homeros (dibenn an eizhvet kanved kt JK) en e ''[[Ilias]]'', XXIII, 679 hag en e ''[[Odysseia]]'', XI, 270 ''sqq.''.<ref name="TAL" /><ref>Homère, ''L'Iliade et l'Odyssée'', Pocket, 2009, {{ISBN|978-2-2661-9058-9}} {{fr}}</ref>
*[[Aesc'hulos|Aisc'hylos]] (~523 – ~456 kt JK) a c'hounezas priz Keoded [[Dyonisia]] e [[-467]] kt JK gant un [[Arz ar c'hoariva|trifezh]] gouestlet da vojenn Oidipoüs : ''Laios'', ''Oidipoüs'' ha ''Seizh enep Thebai'' ; an trede pezh hepken zo deuet betek ennomp<ref>Eschyle, ''Tragédies complètes'', Folio, 1982, {{ISBN|978-2-0703-7364-2}} {{fr}}</ref>.
*[[Pindaros]] (~522 – ~443 kt JK) a skrivas diwar-benn Oidipoüs en Eil Kanenn Olimpek<ref>Pindare, ''Oeuvres compètes'', La Différence, 2004, {{ISBN|978-2-7291-1512-8}} {{el}} {{fr}}</ref>.
*Brudet eo Sofokles (~496 – ~406 KJK) evit ''ar pezhioù thebaiat'', un trifezh a-zivout mojenn Oidipoüs ivez : ''Oidipoüs roue'', ''Oidipoüs e Kolonos'' hag ''Antigone''<ref>Sophocle, ''Théâtre complet'', Flammarion, 1993, {{ISBN|978-2-0807-0018-6}} {{fr}}</ref>.
*[[Ac'haios Eretria]] (484 – ? kt JK) a skrivas un [[trajedienn|drajedienn]] anvet ''Oidipoüs''<ref>[https://web.archive.org/web/20050710073848/http://www.ancientlibrary.com/smith-bio/0017.html ''The Ancient Library''] {{en}}</ref>.
*[[Euripides]] (~480 – ~406 kt JK) a skrivas tri fezh-c'hoari a denn da vojenn Oidipoüs : ''Foinissai'' ("Merc'hed [[Fenikia]]"), ''C'hrysippos'' hag ''Oidipoüs''<ref>Euripide, ''Tragédies complètes'', Folio, 1989, {{ISBN|978-2-0703-8191-3}} (levrenn 1), {{ISBN|978-2-0703-8192-0}} (levrenn 2) {{fr}}</ref>.
*[[Nikomac'hos]] (pempvet kanved kt JK) a skrivas ivez ur pezh-c'hoari anvet ''Oidipoüs''<ref name="EHSG">Edith Hall & Simon Goldhill, ''Sophocles and the Greek Tragic Tradition'', Cambridge University Press, 2009, {{ISBN|978-0-521-88785-4}} {{en}}</ref>
*[[Ksenokles Kozh]] (pempvet kanved kt JK ivez) a skrivas un ''Oidipoüs'' ivez, a zo aet da get.<ref name="EHSG" /><ref>[http://www.ancientlibrary.com/smith-bio/3623.html ''The Ancient Library''] {{en}}</ref>
;C'hoariva Henroma
*''Oedipus'', gant [[Seneca ar Yaouankañ]] ({{Iañ kantved kt JK}})<ref>Sénèque, ''Tragédies'', Les Belles Lettres, 2011, {{ISBN|978-2-251-80019-6}} {{fr}} {{la}}</ref>.
;C'hoariva a-vremañ
*''Œdipe'', gant Pierre Corneille (1659)<ref>Pierre Corneille, ''Œdipe'', Presses Universitaires de Saint-Étienne, 2004, {{ISBN|978-2-8627-2323-5}} {{fr}} – A-gevret gant oberenn Voltaire.</ref>.
*''Oedipus'', gant [[John Dryden]] ha Nathaniel Lee ([[1679]])<ref>John dryden & Nathaniel Lee, ''Oedipus'', a Tragedy'', Gale Ecco, 2010, {{ISBN|978-1-170-60614-8}} {{en}}</ref>.
*''Œdipe'', gant Voltaire (1718)<ref>Voltaire, ''Œdipe'', Presses Universitaires de Saint-Étienne, 2004, {{ISBN|978-2-8627-2323-5}} {{fr}} – A-gevret gant oberenn Pierre Corneille.</ref>.
*''Œdipe'', gant [[André Gide]] ([[1930]])<ref>André Gide, ''Théâtre'', Gallimard, 1942, ASIN B003BPTXJU {{fr}}</ref>.
*''La Machine infernale'', gant [[Jean Cocteau]] ([[1934]])<ref>Jean Cocteau, ''La Machine infernale'', Le Livre de Poche, 1992, {{ISBN|978-2-2530-0916-0}} {{fr}}</ref>.
*''Antigone'', gant [[Jean Anouilh]] ([[1944]])<ref>Jean Anouilh, ''Antigone'', La Table ronde, 2008, {{ISBN|978-2-7103-3040-0}} {{fr}}</ref>.
* ''Blod'', gant [[Lars Norén]] ([[1994]]). Meur a wech emañ Oidipoüs meneget en oberenn-se, ha damheñvel ouzh ar vojenn eo an istor<ref>Lars Norén, ''Sang'', L'Arche, 1999, {{ISBN|978-2-8518-1424-1}} {{fr}}</ref>.
*''Incendies'', gant Wajdi Mouawad ([[2003]])<ref>Wajdi Mouawad, ''Incendies'', Actes Sud, 2009, {{ISBN|978-2-7427-8336-6}} {{fr}}</ref>.
;Danevelloù
*''Das Sterben der Pythia'', gant [[Friedrich Dürrenmatt]] ([[1989]])<ref>Friedrich Dürrenmatt, ''La mort de la Pythie'', L'Âge d'Homme, 1990, {{ISBN|978-2-8770-6034-9}} {{fr}}</ref>
*''Mes Œdipe'', gant [[Jacqueline Harpman]] ([[2006]])<ref>Jacqueline Harpman, ''Mes Œdipe'', La Renaissance du Livre, 2006, {{ISBN|978-2-87415-641-0}} {{fr}}</ref>
;Romantoù
*''Œdipe sur la route'', gant [[Henry Bauchau]] ([[1990)]]<ref>Henry Bauchau, ''Œdipe sur la route'', Éditions 84/J'ai Lu, 2000, {{ISBN|978-2-290-30152-4}} {{fr}}</ref>
*''Œdipe roi'', gant [[Didier Lamaison]] ([[1994]])<ref>Didier Lamaison, ''Œdipe roi'', Folio Policier, 2006, {{ISBN|978-2-07-030292-5}} {{fr}} — Ur [[romant polis]] skrivet diwar pezh-c'hoari Sofokles eo.</ref>

===Sonerezh===
*''Œdipe à Colone'', [[c'hoarigan]] gant [[Antonio Sacchini]] ([[1786]]).
*''Œdipus Rex'', c'hoarigan gant [[Igor Stravinskiy]] ([[1927]]).
*''Œdipe'', c'hoarigan gant [[George Enescu]] ([[1931]]).
*''Oedipus der Tyrann'', gant [[Carl Orff]] ([[1959]]) – Ur c'hoarigan n'eo ket, pezh-c'hoari Hölderlin gant sonerezh eo.
*''Œdipe sur la route'', c'hoarigan gant [[Pierre Bartholomée]] ([[2003]]), diwar romant H. Bauchau.
*''The End'', kanaouenn gant [[The Doors]] ([[1967]]).
===Kizellerezh===
*''Œdipe et Phorbas'', gant [[Félix Lecomte]] ([[1771]]).
*''Phorbas et Œdipe'', gant [[Antoine-Denis Chaudet]] ([[1801]]).
*''Œdipe à Colone'', gant [[Jean-Baptiste Hugues]] ([[1885]]).
===Sinema===
*[[Restr:Flag of Italy.svg|20px]]&nbsp;''Edipo Re'', gant [[Pier Paolo Pasolini]] ([[1967]]).
*[[Restr:Flag of the United Kingdom.svg|20px]]&nbsp;''Œdipus rex'', gant [[Philippe Saville]] ([[1968]]).
*[[Restr:Flag of Greece.svg|20px]]&nbsp;Έναστρος Θόλος ''Enastros tholos'' ("Bolz an oabl"), gant Κώστας Αριστόπουλος [[Kóstas Aristópoulos]] ([[1993]]).

== Levrlennadur ==
* William Smith & Charles Anthon, ''A New Classical Dictionary of Greek and Roman Biography, Mythology an Geography'' {{en}}
:Levrenn 1, 636 p. : Kessinger Publishing, 2006, {{ISBN|978-1-4286-4572-1}}
:Levrenn 2, 436 p. : Kessinger Publishing, 2006, {{ISBN|978-1-4286-4561-5}}

== Gwelet ivez ==
*[[Lizherenneg c'hresianek]]
*[[Oidipous hag ar Sfins|Oidipoüs hag ar Sfiñs]]

== Notennoù ==
{{Daveoù|bannoù=2}}

{{Commonscat|Oedipus|Oidipoüs}}

[[Rummad:Harozed Hellaz]]
[[Rummad:Rouaned gwengelouriezh Hellaz]]