Gwelet an tarzh evit Mercosur

[[Skeudenn:MERCOSUR (orthographic projection).svg|thumb|right|Mercosur]]
[[Skeudenn:Flag of Mercosur.svg|thumb|right|Banniel ar Mercosur.]]
[[Skeudenn:Mercosul-04-jul-2005.jpeg|thumb|Mercosur 2005.]]

Ar '''Mercosur''' (''Mercosul'' e [[portugaleg]]) zo anezhi [[kumuniezh armerzhel]] broioù [[Amerika ar Su]]. Talvezout a ra ''Mercosur'' kement ha ''kenvarc'had ar Su'' (''Mercado Común del Sur'' e [[spagnoleg]] / ''Mercado Comum do Sul'' e portugaleg / ''Ñemby Ñemuha'' e [[gwaranieg]]) e div [[yezh ofisiel]] ar MERCOSUR (ar spagnoleg gant [[Arc'hantina]], [[Paraguay]], [[Uruguay]], [[Venezuela]] hag ar broioù kevelet hag ar portugaleg gant [[Brazil]]).

== Istor ar Mercosur ==

Deuet e oa ar Mercosur war-wel d'ar [[26 a viz Meurzh]] [[1991]] pa oa bet sinet feur-emglev [[Asunción]]. An trede marc'had unanet er bed eo goude [[Unvaniezh Europa]] hag an [[EFENA]].

Ur benveg kenlabour aet kalz pelloc'h eget an EFENA eo.

Disklêriadur Cuzco d'an 8 a viz Kerzu 2004 a rakwel e enframmañ tamm ha tamm en un unvaniezh politikel hag armerzhel e [[Suamerika]] a-bezh : [[Unaniezh Broadoù Amerika ar Su]] (UNASUR). Se a dalvo teuz ar Mercosur ha [[Kumuniezh an Andoù]] ([[Kolombia]], [[Ecuador]], [[Perou]] ha [[Bolivia]]), hag enframmadur [[Chile]], [[Guyana]] ha [[Surinam]] ouzhpenn.

Ar 27{{vet}} kuzuliadeg d'ar [[17 a viz Kerzu]] [[2004]] e [[Ouro Preto]] a zegemeras ent-ofisiel tri ezel kevelet nevez : Ecuador, Kolombia ha Venezuela. E-pad ar guzuliadeg-se o doa embannet [[Panama]] ha [[Mec'hiko]] e oant e sell da vont er Mercosur.

[[Skeudenn:Mercosur-map-fr.svg|thumb|Stadoù ezel ha kevelet ar Mercosur.|251px]]
Broioù ezel pad : 
* {{Arc'hantina}} ([[1991]])
* {{Brazil}} ([[1991]])
* {{Paraguay}} ([[1991]])
* {{Uruguay}} ([[1991]])
* {{Venezuela}} ([[2006]])

Broioù kevelet d'ar Mercosur :
* {{Bolivia}} ([[1996]])
* {{Chile}} ([[1996]])
* {{Perou}} ([[2003]])
* {{Kolombia}} ([[2004]])
* {{Ecuador}} ([[2004]])

Broioù hag o deus emglevioù frankeskemm gant ar Mercosur :
* [[India]], [[25 Genver]] [[2004]] emglev gwellvez maltoutel diwar-benn 800 produ eus al labour-douar, ar gimiezh, ar greanterezh apotikel hag ar c'hirri.
* un emglev etrerannvroel a genlabour gant [[Unvaniezh Europa]] a oa bet sinet d'ar [[15 a viz Kerzu]] [[1995]]. An daou dakad armerzhel zo o klask abaoe donaat an traoù dre un takad frankeskemm boutin.
* Broioù eus [[Afrika ar Su]] ([[2004]]) ([[Namibia]], [[Botswana]], [[Eswatini]] ha [[Lesotho]]).

Un nebeud sifroù tennet eus al lec'hienn ofisiel :

* Poblañs : 213 milion
* PDK : 1.175,5 miliard a zollaroù e [[1998]]
* Gorread : 11.863.000 km²

== Gwelet ivez ==
* [[EFE]], [[EFENA]], [[Unvaniezh Europa]]
* [[Armerzh]], [[Armerzh Amerika latin]]
* [[Parlamant ar Mercosur]]

== Liammoù diavaez ==
* {{es}}{{pt}} [https://web.archive.org/web/20200611043613/http://www.mercosur.org.uy/ Lec'hienn ofisiel ar Mercosur]
* {{es}} [https://web.archive.org/web/20081026002037/http://www.mercosur-comisec.gub.uy/ Comisec - Comision Sectorial]
* {{fr}} [https://web.archive.org/web/20080219110512/http://www.iheal.univ-paris3.fr/mercosur_fr/cartotheque.htm Kartennaoueg diwar-benn ar Mercosur]


[[Rummad:Aozadurioù etrebroadel]]
[[Rummad:Suamerika]]