Gwelet an tarzh evit Maroko

{| class="infobox" style="font-size:85%;"
|-
{{Infobox/Titl|<big>Maroko</big><br>المملكة المغربية<br>''Al-Mamlakah al-Maghribīyyah''<br>ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ<br>''Tagldit n Lmaɣrib''|f0dbb6|talbenn map|000}}
|- bgcolor="#fff"
| width="130px"| [[Restr:Flag of Morocco.svg |125px|Banniel Maroko]] || align=center width=130px| [[Restr:Coat of arms of Morocco.svg|80px|Skoed Ardamez Maroko]]
|- bgcolor="#fff"
| align="center" width="125px" | <small>[[Banniel]]</small>
| align="center" width="110px" | <small>[[Ardamezouriezh|Ardamezioù]]</small>
|-
| align=center colspan=2 | [[Ger-stur]] broadel : <big> الله، الوطن، الملك </big><br>''Allāh, al-Waţan, al-Malik''<br>"Doue, ar Vro, ar Roue"
|-
| align=center colspan=2 style="background:#f9f9f9;" | [[Restr:LocationMorocco3.svg|250x250px]]<br>Lec'hiadur Maroko
|-
|'''[[Yezhoù ofisiel]]''' || [[arabeg]] ha [[tamazigh]]
|-
|'''[[Kêr-benn]]''' || [[Rabat]]
|-
|'''Statud politikel''' || [[Rouantelezh vonreizhel]] 
|-
|'''[[Roll rouaned Maroko|Roue]]''' || [[Mohammed VI Maroko|Mohammed VI]] (محمد السادس, ⵎⵓⵃⵎⵎⴷ ⵡⵉⵙⵙ ⵚⴹⵉⵚ)
|-
|'''[[Roll kentañ ministred Maroko|Kentañ ministr]]''' || [[Aziz Akhannouch]] (عزيز أخنوش, ⵄⴰⵣⵉⵣ ⴰⵅⵏⵓⵛ)
|-
|'''[[Gorread]]'''<br />-En holl <br />-% dour
| <br />446 550 km²<br />0,056
|-
|'''Poblañs '''<br /> -Hollad<br />-Stankter ar boblañs
|<br />33 241 259 (2005)<br />70/km²
|-
|'''[[Dizalc'hiezh]]''' || (diouzh [[Frañs]])<br />[[2 Meurzh|2 a viz Meurzh]] [[1956]]
|-
|'''[[Moneiz]]''' || [[Dirham Maroko]] (MAD)
|-
| '''[[Kan broadel]]''' || ''[[Kan broadel Maroko]]'' (Nachid waţani maghribi)
|-
| '''[[Devezh ar vro]]''' || [[2 Meurzh|2 a viz Meurzh]]
|-
| '''Kod war ar Genrouedad''' || .ma
|-
| '''Kod pellgomz''' || +212
|}
[[Restr:Maroc carte.gif|300px|thumb|Maroko]]
'''Rouantelezh Maroko''', pe '''Maroko''' ent-berr (المغرب, ''al-Maġrib'' en [[arabeg]]; ⵍⵎⴰⵖⵔⵉⴱ ''Lmaɣrib'' e [[tamazight]]), a zo ur vro e gwalarn kevandir [[Afrika]]. Bevennet eo gant ar [[Mor Kreizdouar]] en hanternoz, gant [[Aljeria]] er reter, gant ar [[Meurvor Atlantel]] er c’hornôg, ha gant [[Sahara ar C'hornôg]] er c’hreisteiz (douaroù aloubet gant Maroko e [[1975]]). [[Rabat]] eo ar gêr-benn velestradurel ha politikel, ha [[Casablanca]] ar gêr vrasañ hag ar gêr-benn armerzhel. Div gêr stag ouzh [[Spagn]] a zo [[enklozadur|enklozet]] e Maroko, war aod ar Mor Kreizdouar: [[Ceuta]] (''Sabta'') ha [[Melilla]] (''Maliliya'').

Ar [[Menezioù Atlas]] a dreuz ar vro penn-da-benn, eus ar mervent d’ar biz. Er reter hag er su d’ar menezioù-se en em led dezerzh ar [[Sahara]], m’eo gwall zistank an dud. Emañ an darn vrasañ eus annezidi Maroko o chom er gwalarn da aradennad an Atlas. Aodoù he deus ar vro war ar [[Mor Kreizdouar]] en Norzh hag ar [[Meurvor Atlantel]] er C'hornôg. 34 milion a annezidi he deus hervez niveradeg 2014, ha 446 550 km² zo dezhi (47,51 ann./km²) pe 710 850 km² gant [[Sahara ar C'hornôg]]. 

An [[arabeg]] hag an [[tamazigh]] eo ar yezhoù ofisiel. Div yezh a vez kaozeet er vro: [[arabeg Maroko]], zo disheñvel-mat diouzh an [[arabeg unvan]], hag ar [[Yezhoù berberek|berbereg]] (anvet ''tamazight'' alies). Ledet a-walc’h eo an anaoudegezh eus ar galleg, yezh an drevadennourien gozh, hag ar spagnoleg e lodennoù ’zo eus ar vro. Implijet e vez ar galleg en ensavadurioù gouarnel, er mediaoù, er bed ekonomikel hag en diplomatiezh. Kelennet e vez dre ret en holl skolioù Maroko.

Ezel eo Maroko eus an [[ABU]], ar [[Kevre Arab|Gevre Arab]], [[Unaniezh Afrika]], [[Unaniezh Maghrib Arab]], [[Aozadur ar c'henober islamek]], [[Aozadur etrebroadel ar frankofoniezh]], [[Strollad ar 77]], Unaniezh evit ar C'hreizdouar, ha war ar renk emañ evit emezelañ da [[Kumuniezh Armerzhel Stadoù Kornôg Afrika|Gumuniezh Armerzhel Stadoù Kornôg Afrika]].

An [[Islam]], an "arabiezh" hag an "amazighiezh" a zo despizet gant bonreizh ar rouantelezh evel « lodennoù diazez » identelezh ar bobl varokan. Relijion ar Stad eo an Islam, met diogelaet eo gantañ ar frankiz azeuliñ evit an holl relijionoù.

== Istor ==
Roudoù ''[[Hominidae]]'' zo bet kavet hag a zo 700 000 bloaz kozh. Er [[Ragistor]] e oa o chom [[Berbered]] eno. Diazezet e voe ar pezh a vez gwelet evel ar stad varokan kentañ gant an emir [[Idris Iañ]] e [[789]].

Un nebeud mareoù pouezus en istor ar vro :
* [[Impalaeriezh roman]] 40-395
** Diosez Hispaniae
*** [[Mauretania Tingitana]]
* [[Rouantelezh ar Vandaled]] 429-533
* [[Impalaeriezh roman ar Reter]] 533-688
* [[Rouantelezh Nekor]] 710-1019
* [[Gwarezveliezh c'hall e Maroko]] (1912-1956)
* ren [[Hasan II]] etre 1961 ha 1999
* ren [[Mohamed VI]] abaoe 1999

== Armerzh ==
Pempvet armerzh Afrika eo hini Maroko, hag an trede er [[Maghreb]] goude [[Ejipt]] hag [[Aljeria]]. Tremenet eo ar [[PDG]] eus 56 da 107 miliard a zolaroù etre 2004 ha 2014, ha mestroniet eo ar [[monc'hwez]] gant ur c'heitad bloaz 1.8 %. Hervez ministrerezh an armerzh e oa 1.6% ar monc'hwez e 2015, ha 4.8 % ar [[kresk ekonomikel|c'hresk]], sachet gant ur bloavezh labour-douar mat, ur sifr uheloc'h eget ar 4.4% a oa bet rakwelet gant al lezenn arc'hant 2015.

Bras e chom an digevatalderioù sokial avat, hervez un danevell savet gant an [[AMG]] [[Oxfam International|Oxfam]]<ref>{{Liamm web|auteur=Omar Brouksy|titl=Maroc : « Un pays moins stable que stabilisé par un système policier »|url=https://www.lemonde.fr/idees/article/2019/07/27/maroc-un-pays-moins-stable-que-stabilise-par-un-systeme-policier_5494029_3232.html|date= 27 a viz Gouere 2019|lec'hienn=[[Le Monde|lemonde.fr]]}}.</ref>.

== Sevenadur ==
Brudet eo ar [[fantasia]] varokan, un abadenn varc'hegezh hengounel a denn d'ar [[meuriad]], d'al labour-douar ha d'ar relijion. Graet e veze bep bloaz e koulz ar ''mousem'', gouel an eostoù ha gouel sant ar meuriad. E-pad an arvest-se e vez drevezet argadoù gant ar varc'hegerien war o c'hezeg harnezet brav, o tennañ gant o fuzuilh [[poultr du]].

[[Spis]]où a vez implijet kalz er c'heginerezh marokan hag a zo ur meskad eus ar re vorian, europat ha kreizdouarat. Produet e vez [[safron]] e [[Tetouan]], [[bent]] hag [[olivez]] e [[Meknes]], hag orañjez ha sitroñs e [[Fes]]. [[Kig-yar]] eo ar c'hig ar muiañ debret er vro, a-raok [[kig-bevin]] ha [[kig-dañvad]]. [[Kouskous]] ha [[tajin]] eo ar meuzioù brudetañ.

== Notennoù ha daveoù ==
{{daveoù}}

{{Afrika}}
{{Monarkiezhoù}}
{{AC'hI}}
{{Frankofoniezh}}
{{Kevre Arab}}

[[Rummad:Maroko]]
[[Rummad:Stadoù Afrika]]