Maria Antonia an Div Sikilia
Ur pennad Maria Antonia zo ivez.
Maria Antonia an Div Sikilia, pe Maria Antonia di Borbone-Napoli pe Maria Antonietta en italianeg, pe María Antonia de Nápoles e spagnoleg (1784-1806), a oa ur briñsez eus rouantelezh Naplez a deuas da vezañ rouanez Spagn.
He buhez
[kemmañ | kemmañ ar vammenn]Merc'h e oa da Ferdinando Iañ an Div Sikilia, roue an Div Sikilia, ha da Maria Karolina Aostria (1752-1814). Maria Antonia e oa bet anvet gant he mamm e koun d'he moereb Marie-Antoinette Bro-C'hall (1755-1793), ar rouanez dibennet, a oa ken tost ouzh kalon he c'hoar vras Maria Karolina.
Dimeziñ
[kemmañ | kemmañ ar vammenn]
E miz Here 1802, e Barcelona, e timezas d'he c'henderv spagnol Fernando, priñs Asturiez, da lavarout eo danvez roue Spagn.
Ur gwall zimeziñ e voe: divalav ha difeson e kave he fried.
Div golladenn a reas Maria-Antonia ha bugel ebet n'he doe. Bec'h he doe gant he mamm-gaer: pep hini anezho a grede e klaske eben lazhañ anezhi.
He marv
[kemmañ | kemmañ ar vammenn]Mervel a reas e 1806 e Palez Aranjuez gant an droug-skevent. He fried a voe roue e 1808. Kaoz a voe e oa bet kontammet gant ar rouanez María Luisa, hag he serc'heg Manuel Godoy. Kement-se n'halle ket bezañ, hervez an istorourien spagnol, met he mamm Maria Karolina Aostria a oa sur a se.