Mareadeg
| Iskevrennad eus | serial, Media, embannadenn  |
|---|---|
| Testenn ar pennreolennoù | Freedom of the Press Act, Q4153453 |
| Dezverket dre | periodicity |
| Enebet ouzh | non-periodical publication |
| Category for eponymous categories | Q59241037 |
Ur mareadeg a zo ul labour embann embannadennoù war ur pazenn ingal pe war-dro. Ar c’hazetennoù pemdeziek (pe bemdeziegoù) eo ar mareadegoù stankañ hag anavezetañ ; kavout a reer kelaouennoù ha magazinoù er rummad media-se. Plediñ a c’hellont gant meur a dodenn pe meur a deur, gouiziegel, teknik, kenwerzhel, hag e vezont savet evit al laz hollek koulz hag an dudi. Kreizennet e vez peurvuiañ kevrennoù an embannadennoù, anvet pennadoù pe rubrikennoù, war un dodenn hepken, hag e c’heller ouzhpennañ anv an oberour (ien), an deiziad hag un diverradur ivez, a-wezhioù. Peurliesañ e kaver ur gevrenn aozet gant an embanner, dezhañ ar pal degas traoù a bouez evit al lennerien. E-touez ar c’hevrennoù stankañ e weler adwelioù levrioù, filmoù pe arvestoù, pe gronikennoù hiniennel diwar-benn temoù a blij dezho rannañ, ha kemennadennoù bruderezh. Un heuliadenn levrioù, da lavared eo levrioù embannet hervez ur reolenn amzer a c’hell bezañ gwelet evel ur mareadeg ivez. Geriadurioù hag holloueziadurioù a c’hell bezañ ur seurt mareadeg, ma vezont embannet a-dammoù.