Malachy McKenna (yezhour)

Malachy McKenna, ganet e Béal Feirste, a zo ur c'helenner skol-veur iwerzhonat war e leve, arbennigour war an iwerzhoneg hag ar brezhoneg. O vezañ ma studias e Skol ar Studioù keltiek (Scoil an Léinn Cheiltigh en iwerzhoneg), en Ensavadur an Uhelouiziegezh Dulenn (Institúid Ard-Léinn Bhaile Átha Cliath, en iwerzhoneg) en devoe kalz darempredoù gant Roparz Hemon. Ur post kelenner en Ensavadur-se a dapas e 1974. Un aktour ha saver pezhioù-c'hoari iwerzhonat a zo heñvel e anv.

Buhez

Pellgomz a reas a Alan Heusaff pa voe kaset Roparz Hemon d'an ospital e-lec'h ma voe oberataet a-raok mervel un nebeud mizioù diwezhatoc'h e 1978. War e leve ez eas war-dro 2014 hag, hervez kont, e tilojas da Stockholm war-dro 2016.

Remzad skiantel

Savet en deus un dezenn war ar brezhoneg komzet er Gemene a lakaas embann e peder lodenn er Zeitschrift für celtische Philologie.

En Ensavadur an Uhelouiziegezh Dulenn e voe degemeret evel kelenner-enklasker (scholar) war ar rannyezhouriezh e-barzh Skol ar Studioù keltiek (Scoil An Léinn Cheiltigh) e 1974. Sevel a reas labourioù war rannyezhoù an iwerzhoneg asambles gant studiadennoù war ar brezhoneg lakaet da eil tachenn studi. Pa zeuas da gelenn en Ensavadur e oa aet Roparz Hemon war e leve e 1970, met hemañ a gendalc'has da zont d'ober e labourioù war al lec'h bemdez. Hervez ar gouizieg yaouank, « un enor e voe (evitañ), pa (oa) ur skoliad (studier) e Skol al Lennegezh Keltiek, da gaout Roparz da skoazell ar Brezhoneg. Bemdez, d'ar mare-se, e oan en e vurev o klask e sikour war ar pezh a selle ar Brezhoneg er Gemene. Pa ne c'helle ket sikour ac'hanon e-unan, e oa boazet d'en em c'houlenn (sic) ali Anton ar Roue a oa o chom er memes ti hag e oa un arbennigour war Brezhoneg sav-heol Breizh. »

Savet en doa un hir a bennad war istor hengoun lennegel ar brezhoneg evit ar gelaouenn Celtica, embannet gant Skol ar Studioù Keltiek, e 1984. Reiñ a reas ar berradur anezhañ e 1990 pa voe rener-embann al levrig brezhoneg-iwerzhoneg savet gant mignoned Roparz Hemon e 1990.

Embannadennoù

Produadur personel

• "The Breton of Guémené-sur-Scorff. (Bas-Vannetais). Part 1 – Phonetics". E-barzh Zeitschrift für celtische Philologie, 1976
• "The Breton of Guémené-sur-Scorff (Bas-Vannetais) Part II - A Morphology of the Verb". E-barzh Zeitschrift für celtische Philologie, 1978
• "The Breton of Guémené-sur-Scorff (Bas-Vannetais) (continued) Part III - A Morphology of the Noun ». E-barzh Zeitschrift für celtische Philologie, 1981
• "The Breton literary tradition". E-barzh Celtica, niv. 16, p. p. 35-51
• "On pecthad ‘sinner' in the Würzburg Glosses ». E-barzh Zeitschrift für celtische Philologie, 1991
• "A Functional Analysis of Copular Clauses in the Spoken Irish of Co. Donegal". Studia Celtica Fennica, Oct 21, 2013
• A Handbook of Modern Spoken Breton
• Conjugation of the verb in modern Celtic and Basque: from inflection to periphrasis : Toward a Typology of European Languages, 1990
• The Spiritual Rose, Béaloideas, 2003
• A Functional Analysis of Copular Clauses in the Spoken Irish of Co. Donegal by Orit Eshel and Malachy McKenna
• Seanchas Rann na Feirste: is fann guth an éin a labhras leis féin, Coiscéim, Dublin, 2005

Labourioù a-stroll

• Eibhlín Ní Chatailriabhaigh & Malachy McKenna (renerezh), Roparzh Hemon : Kounioù & hengoun lennegel ar brezhoneg = Roparz Hemon : Cuimhní cinn agus traidsiún liteartha na Briotáinise, 3 frezegenn dalc'het e Dulenn d'ar 15-16 Mezheven 1990 dindan atiz Bord na Gaeilge, Baile Átha Cliath, Coiscéim, 1990. Da-heul, ur studiadenn diwar-benn Yann Goulet, savet gant Eibhlín Ní Chatailriabhaigh.

Pennadoù nes

• Ar Gemene
• Ensavadur an Uhelouiziegezh Dulenn
• Roparz Hemon